2024-04-18 13:55:09, 403 ნახვა
საზოგადოება
ზუგდიდი-ჯვარი-მესტია-ლასდილის გზაზე მეწყერი ჩამოწვა - მოძრაობა შეზღუდულია
ზუგდიდი-ჯვარი-მესტია-ლასდილის გზაზე მეწყრი ჩამოწვა, რის გამოც მოძრაობა დროებით შეიზღუდა. ამის შესახებ ინფორმაციას საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი ავრცელებს.
დეპარტამენტის ცნობით, გაწმენდითი სამუშაოების ჩასატარებლად ტექნიკის მობილიზება მიმდინარეობს.
"შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის 89-ე კმ-ზე, გზის სავალ ნაწილზე ჩამოსულია მეწყერი, რომელმაც ჩაკეტა საავტომობილო მოძრაობა.
ამ ეტაპზე მიმდინარეობს ტექნიკის მობილიზება, რათა უმოკლეს ვადებში გაიწმინდოს გზის სავალი ნაწილი და აღდგეს საავტომობილო მოძრაობა",- აღნიშნულია ინფორმაციაში.
ავტორი: ექსპრესნიუსი,
epn.ge (@expressnews.ge)
