უკრაინის შეიარაღებული ძალების მთავარსარდალმა ვალერი ზალუჟნიმ განაცხადა, რომ უკრაინა არავითარ შემთხვევაში არ გაჩერდება თავისი ტერიტორიების განთავისუფლების გზაზე და არ მიიღებს კომპრომისულ გადაწყვეტილებებს.

როგორც ზალუჟნიმ შეერთებული შტატების გაერთიანებული შტაბის უფროსებთან  სატელეფონო საუბარში აღნიშნა, უკრაინელი სამხედროები არ მიიღებენ მოლაპარაკებებს, შეთანხმებებს ან კომპრომისულ გადაწყვეტილებას.

"მე დავრწმუნდი, რომ ვიბრძოლებთ მანამ, სანამ ძალა გვექნება. ჩვენი მიზანია გავათავისუფლოთ მთელი უკრაინული მიწა რუსული ოკუპაციისგან. ჩვენ ამ გზაზე არავითარ შემთხვევაში არ გავჩერდებით.

უკრაინელი სამხედროები არ მიიღებენ მოლაპარაკებებს, შეთანხმებებს ან კომპრომისულ გადაწყვეტილებას. მოლაპარაკებას მხოლოდ ერთი პირობა აქვს - რუსეთმა უნდა დატოვოს ყველა დაპყრობილი ტერიტორია“,- ამბობს ზალუჟნი. 

ზალუჟნიმ მილის ასევე მიაწოდა ინფორმაცია თავდაცვის ძალების ოპერატიული მდგომარეობისა და პრიორიტეტული საჭიროებების შესახებ. მისი თქმით, ფრონტზე ვითარება სტაბილურია და კონტროლს ექვემდებარება.

”ჩვენ ყურადღებით ვაკვირდებით მტრის მოქმედებებს ბელარუსის რესპუბლიკის საზღვარზე და ვაშენებთ საიმედო ფარს უკრაინის ჩრდილოეთიდან დასაცავად. მტერი აქტიურად უტევს ბილოგორივკა-სოლედარ-ბახმუტ-მაიორსკის და ავდიივკა-ოპიტნე-ვოდიანე-პისკი-მარინკა-პავლივკას ხაზებზე, მაგრამ წარმატებას ვერ მიაღწევს. ჩვენ ვიცავთ თავდაცვას ჩვენი მოწინავე ნაწილების და საბრძოლო რეზერვების გამძლეობის წყალობით. ხერსონის მიმართულებით ვახორციელებთ სტაბილიზაციის მოქმედებებს და თავდაცვის ხაზების გაძლიერებას“,- დასძინა მან. 

ავტორი: ექსპრესნიუსი,

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა