საარჩევნო უბანი იქნება ბევრად უფრო უსაფრთხო, ვიდრე ნებისმიერი სუპერმარკეტი, - ამის შესახებ პრემიერ-მინისტრმა გიორგი გახარიამ ქუთაისის საერთაშორისო უნივერსიტეტის გახსნის შემდეგ, ჟურნალისტებს განუცხადა.

მისივე თქმით, მიუხედავად ინფიცირებულთა რაოდენობის ზრდისა, ქვეყანაში უნდა გაგრძელდეს როგორც უნივერსიტეტების გახსნა, ასევე უნდა ჩატარდეს არჩევნებიც და ამუშავდეს ეკონომიკა.

„რაოდენობის ზრდის ფაზაში, არავის უნდა გვეგონოს რომ ეს ზრდა არ გაგრძელდება, მაგრამ რა თქმა უნდა მეგობრებო, წესების დაცვით, პირველ რიგში უნდა გავუფრთხილდეთ ჩვენს მოხუცებულებს და მაღალი რისკის ქვეშ მყოფ ადამიანებს, ცხოვრება უნდა გავაგრძელოთ, უნივერსიტეტებიც უნდა გავხსნათ, არჩევნებიც უნდა ჩავატაროთ და ეკონომიკაც უნდა ავამუშავოთ, წესების დაცვით.

დარწმუნებული ვარ, იმ წესებით რომელიც შემუშავებულია ცესკოს და ეპიდემიოლოგების მიერ, საარჩევნო უბანი იქნება ბევრად უფრო უსაფრთხო, ვიდრე ბევრი სუპერმარკეტი, ამიტომ ყველაფერს გავაკეთებთ იმისთვის, რომ არჩევნები გარდა იმისა, რომ იქნება სამართლიანი და დემოკრატიული, ეს იქნება უსაფრთხო“, - განაცხადა პრემიერმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საწვავის დეფიციტის ფონზე ოკუპირებულ აფხაზეთში რუსეთიდან ბენზინის პარტია შედის

აშშ-მ განაცხადა, რომ ირანის წინააღმდეგ „ისტორიაში ყველაზე მკაცრ სანქციებს“ დააწესებს

გამოქვეყნდა მისამართები, სადაც საქართველოში სკოლის ფორმების შეძენაა შესაძლებელი.

სამოქალაქო საზოგადოება: ოცნების კამპანია ქვეყნის სახელმწიფოებრიობას აზიანებს, საჯარო სივრცეში ტერმინ „რუსოფობიის“ ხელოვნურად დამკვიდრების ცდილობს