თუ შეგიძლია სწორი მენეჯმენტით COVID-19 მართო, შეძლებ ეკონომიკის აღდგენასაც, - განაცხადა ფინანსთა მინისტრმა, ივანე მაჭავარიანმა გადაცემაში „პოლიტიკური ინტერვიუ შალვა რამიშვილთან ერთად". როგორც მან აღნიშნა, ეს ორი საკითხი მჭიდროდაა დაკავშირებული ერთმანეთთან.

„ბოლო პერიოდია, ხშირად ისმის - ან კოვიდთან ბრძოლა ან ეკონომიკის გადარჩენა.  თუ ჩავუღრმავდებით და ანალიზს გავაკეთებთ, ვნახავთ, რომ იქ, სადაც კოვიდთან ბრძოლა ნაკლებად ეფექტური იყო, სადაც არის მაღალი სიკვდილიანობა და მაღალი ინფიცირება,  დროთა განმავლობაში ეკონომიკა იქ კიდევ უფრო ზარალდება. შესაბამისად, ამოცანა არის კოვიდთან ბრძოლა, მისი მაქსიმალურად შეკავება იმისთვის, რომ უკეთ შევძლოთ ეკონომიკის აღდგენა", - აღნიშნა მან.

მისი თქმით, წლის ბოლომდე, საქართველო საერთაშორისო პარტნიორებისგან  მიიღებს 1,5 მილიარდ დოლარს.

 „ამ თანხებით შევავსებთ იმ დანაკლისს, რაც ბიუჯეტს აქვს შენელებული ეკონომიკიდან და შემცირებული გადასახადებიდან. აღნიშნული სახსრებით ფინანსდება ის ღონისძიებები, რომელსაც მთავრობა ახორციელებს, ვგულისხმობ, სოციალური დახმარების პაკეტებს როგორც მოსახლეობისთვის, ასევე, ბიზნესის  სხვადასხვა სექტორის მხარდამჭერის პროგრამებს, მაგრამ სამომავლოდ, პასუხი კითხვაზე - საიდან უნდა მოვიტანოთ ფული? არის ეკონომიკის სწრაფი აღდგენა, იმ დინამიზმის ხელახლა შექმნა, რაც ქვეყანის ეკონომიკას ჰქონდა, მაგალითად, 2019 წელს", - განაცხადა ფინანსთა მინისტრმა, ივანე მაჭავარიანმა.

ავტორი: NS (სტატია დაფინანსებულია),

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს