ნებისმიერ სცენარში, ეს ოქტომბერში იქნება, დეკემბერში თუ ნოემბერში, „ოცნება“ წავა პოლიტიკური სცენიდან, - ასე გამოეხმაურა „ლელო საქართველოსთვის“ თავმჯდომარე, მამუკა ხაზარაძე არჩევნების თარიღის შესაძლო გადატანის საკითხზე პარლამენტის ყოფილი თავმჯდომარის განცხადებას.

ხაზარაძის განცხადებით,  ნებისმიერ სცენარში, ეს ოქტომბერში იქნება, დეკემბერში თუ ნოემბერში, „ოცნება“ წავა პოლიტიკური სცენიდან.

„იმდენი ტყუილი მოვისმინეთ ხელისუფლებისაგან,  რომ ქართულ საზოგადოებაში ნდობა აქვს დაკარგული. „ქართულმა ოცნებამ“ თავისი მოქმედებით და ნაბიჯებით რეპუტაცია ისე შეილახა, საქართველოშიც და მსოფლიო დონეზეც, რომ ჩვენ დარწმუნებული ვართ, რომ მათ არ გაუჭირდებათ, მორიგი ტყუილი თქვან. მათი მხრიდან მოულოდნელი არ იქნება, თქვან, რომ სადღაც ისევ იფეთქა ეპიდემიამ და ამიტომ მოგვიწია არჩევნების გადადება. მაგრამ მე მათ მინდა ვუთხრა: ნებისმიერ სცენარში, ეს ოქტომბერში იქნება, დეკემბერში თუ ნოემბერში, „ოცნება“ წავა პოლიტიკური სცენიდან, იმიტომ რომ მათ ამოწურეს მორალური, ეთიკური, ადამიანური და ყველა სხვა რესურსი, რაც კი შეიძლება ჰქონოდათ ამ 8 წლის განმავლობაში“, - განაცხადა მამუკა ხაზარაძემ.

ცნობისთვის, პარლამენტის ყოფილი თავმჯდომარის, ირაკლი კობახიძის განცხადებით, თუ Covid-19-ის  მეორე ტალღა 31 ოქტომბრამდე იქნება, შესაძლოა არჩევნები დეკემბერში ჩატარდეს.

ავტორი: ექსპრესნიუსი,

სოციალური ქსელები

მარგუს ცაჰკნა - ესტონეთი ქართველი ხალხის გვერდით დგას

გახარია საქართველოსთვის - ცინიკურია, რომ ოცნება ოკუპაციასა და ოკუპაციის მსხვერპლ მოქალაქეებზე მეტად ე.წ. რუსოფობიის გამო სწუხან

ნორვეგიის საგარეო უწყება - საქართველოში, 18 წლის შემდეგაც კი, ოკუპაცია გრძელდება

ბაიბა ბრაჟე – ლატვია ურყევად უჭერს მხარს საქართველოს სუვერენიტეტს, ტერიტორიულ მთლიანობასა და საერთაშორისოდ აღიარებულ საზღვრებს