ბოჭორიშვილის სახელობის კლინიკის სამეთვალყურეო საბჭოს თავმჯდომარის მაკა სოლოღაშვილის განცხადებით, მათ კლინიკაში თეთრიწყაროდან და ბოლნისიდან ორი ახალი პაციენტია მოთავსებული.

მისი თქმით, საავადმყოფოდან 5 გამოჯანმრთელებული პაციენტი გაეწერა, მათ შორის ერთი 6 წლის ბავშვია.

„დილის მდგომარეობით, ბოქსირებულ სექტორში მკურნალობს 63 პაციენტი. აქედან Covid-19-ით დადასტურებული არის 54 პაციენტი. გუშინ დაგვემატა ორი ახალი შემთხვევა, ორივე არის ცნობილი კლასტერებიდან. ერთი არის თეთრიწყაროს ექთანი, მეორე ბოლნისიდანაა. მათი მდგომარეობა დამაკმაყოფილებელია. კლინიკაში 18 წლამდე მოზარდი არის 9. გვყავს 5 გამოჯანმრთელებული პაციენტი, აქედან ერთი არის 6 წლის მოზარდი. გვაქვს 6 საყურადღებო შემთხვევა. მძიმე პაციენტი არ გვყავს.

რაც შეეხება იმ პაციენტს, რომელიც მკურნალობდა სხვა კლინიკაში პნევმონიის დიაგნოზით და გაწერიდან რამდენიმე დღეში PCR ტესტით კორონავირუსი დაუდგინდა, მისი მდგომარეობა საშუალო სიმძიმისაა და გამოხატულია ორმხრივი პნევმონია კომპიუტერულ ტომოგრაფიურ სურათზე, მიმდინარეობს მკურნალობა“, - განაცხადა მაკა სოლოღაშვილმა.

ავტორი: ექსპრესნიუსი,

სოციალური ქსელები

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის