„პრაქტიკულად, ეს იყო  ორი ადამიანის თვითაღიარება, ვინც იმ პერიოდში მართავდა სახელმწიფოს, მმართველობის სისტემაში ღებულობდა მონაწილეობა და დესპოტური მმართველობის სისტემა შექმნა“, - ამის შესახებ პარლამენტის თავმჯდომარის პირველმა მოადგილემ, გია ვოლსკიმ განაცხადა.

მისივე თქმით, „როგორი კუთხითაც არ უნდა ეცადონ დაგვანახონ მდგომარეობა, ფაქტია რაც მოხდა გირგვლიანთან დაკავშირებით, ან თუნდაც გავიხსენოთ  განზრახ მოკლული ადამიანები,  ან სტრასბურგის  სასამართლოს დასკვნები იმასთან დაკავშირებით რა მოხდა ციხეში, რა მოხდა C ჰეპატიტით დაავადებულ ადამიანთა მიმართ, იყო თუ არა წამება ამ სახელმწიფოში როგორც მართვის ერთ-ერთი ეფექტური მეთოდი“.

 „პირდაპირ ითქვა, რომ ბიძინა ივანიშვილის მიმართ გატარებული უნდა ყოფილიყო ისეთივე ზომები, როგორიც ვთქვათ, ბადრი პატარკაციშვილის მიმართ, ძალადობაზე მაქვს ზოგადად საუბარი.  იმ ადამიანებისთვის, ვისაც ის პერიოდი არ ახსოვს, არ აქვს იმ პერიოდთან ემოციური კავშირი, ეს არის სახელმძღვანელო, თუ როგორ არ უნდა მართავდე  ქვეყანას და როგორი ადამიანები არ შეიძლება იყვნენ ქვეყნის სათავეში. გარკვეულწილად, ამ ისტორიულ გაკვეთილს, ვფიქრობ,  ყურადღება უნდა მიაქციონ ჩვენმა საერთაშორისო პარტნიორებმაც, რომლებსაც არ უნდა დარჩეთ ეჭვი იმ პოზიციაში და იმ სიმართლეში, რაც დღევანდელ ხელისუფლებას გააჩნია.

ვფიქრობ, რომ ეს ინტერვიუ კიდევ ერთხელ არის გასაანალიზებელი იმ ადამიანების მიერ, ვინც დღეს მხარს უჭერს „ნაციონალურ მოძრაობას" და მხარს უჭერს მიშა სააკაშვილს კლასტერს", - აღნიშნა გია ვოლსკიმ.​

ავტორი: ექსპრესნიუსი,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე