„მადლობა „საქართველოს ფოსტის" თანამშრომლებს ასეთ მნიშვნელოვან დროს ქვეყნისა და თანამოქალაქეების გვერდში დგომისთვის“, - ამის შესახებ ეკონომიკისა და მდგრადი განვითარების მინისტრმა ნათია თურნავამ განაცხადა.

„COVID-19 ვირუსის პანდემიით გამოწვეული მოვლენებიდან გამომდინარე, „საქართველოს ფოსტამ", როგორც მაღალი სოციალური პასუხისმგებლობის კომპანიამ, ვირუსის გავრცელების პრევენციის მიზნით უმოკლეს დროში მოახერხა უსაფრთხოების მაღალი ზომების მიღება. დღეს ფოსტის თანამშრომელთა დიდ ნაწილს საველე სამუშაოს შესრულება, რაც მათი საქმიანობის ბუნებიდან გამომდინარე აუცილებელია და დისტანციურად ვერ განხორციელდება. კომპანია გზავნილთა ბინაზე ჩაბარებას უზრუნველყოფს ადრესატთან უშუალო კონტაქტის გარეშე, რაც მეტად მნიშვნელოვანია ვირუსის გავრცელების პრევენციის მიზნებისთვის. მინდა მადლობა ვუთხრა „საქართველოს ფოსტის" თანამშრომლებს ასეთ მნიშვნელოვან დროს ქვეყნისა და თანამოქალაქეების გვერდში დგომისთვის“, - განაცხადა ეკონომიკისა და მდგრადი განვითარების მინისტრმა ნათია თურნავამ.

„საქართველოს ფოსტა" 70 წელს გადაცილებულ ქრონიკული დაავადებების მქონე მოქალაქეებს, რომლებიც ყველაზე მაღალ რისკ-ჯგუფს განეკუთვნებიან (80.000 პირი), მედიკამენტებსა და პირბადეებს ბინაზე აწვდის. ამასთანავე, ფოსტის კურიერები პირბადებით უზრუნველყოფენ 70 წელს გადაცილებულ მარტო მცხოვრებ პენსიონერებს (41.000 პირი) და შაქრიანი დიაბეტის მქონე 18 წლამდე ასაკის ბავშვებს და მოზარდებს გლუკომეტრის ტესტ-ჩხირებით და პირბადეებით (1.200-მდე).

„საქართველოს ფოსტამ" ასევე წარმატებით უზრუნველყო მთელი ქვეყნის მასშტაბით კომპანიის სერვისცენტრებში, საფოსტო გაცვლის და დახარისხების ცენტრებში სადეზინფექციო სამუშაოების ჩატარება, თანამშრომლები აღჭურვა დამცავი საშუალებებით: სადეზინფექციო ხსნარებით, ხელთათმანებით, ნიღბებით და დამცავი ფარებით.

„დღეისათვის „საქართველოს ფოსტის" 1.500-მდე თანამშრომელი გაორმაგებული ძალებით აგრძელებს მუშაობას რათა უზრუნველყონ სერვისების მიწოდება ჩვენი ქვეყნის მოქალაქეთათვის", - განაცხადა ეკონომიკისა და მდგრადი განვითარების მინისტრმა.

ავტორი: NS (სტატია დაფინანსებულია),

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე