„პერსპექტივა იმისა, რომ მათ რაიმე უპირატესობა მოიპოვონ პოლიტიკური - არ არსებობს -და აქედან გამომდინარეობს ყველაფერი, რაც ამ ღია წერილში არის ჩამოყალიბებული",- ასე ეხმაურება საქართველოს პარლამენტის თავმჯდომარის პირველი მოადგილე ოპოზიციური პარტიების ღია წერილს, რომლითაც ისინი საქართველოს პარტნიორებს მიმართავენ.

გიორგი ვოლსკის შეფასებით, ოპოზიციის ინტერესი არჩევნების ჩატარებაში არ მდგომარეობს. მისივე თქმით, წერილში კვლავ წინ არის წამოწეული პოლიტპატიმრების თემა.

„ ეს თემა, რომ ვიღაც არის პოლიტპატიმარი   -ადამიანი, ვინც ათეულობით მილიონი თანხა მოპარა ბიუჯეტს, ან თუნდაც, ადამიანები, ვინც ორგანიზებულად უტევდა პარლამენტს, რათა შიგ შემოჭრილიყვნენ - ეს საკითხი არის წინწამოწეული და კვლავ ძველ თემას ვუბრუნდებით. მითქვამს და გავიმეორებ: მათი ინტერესი არჩევნების ჩატარებაში არ მდგომარეობს. ამ შემთხვევაში, ეს პოლიტპატიმრობის თემა იქნება წინწამოწეული მიზეზი. ეგონათ, რომ ჩვენგან არ იქნებოდა კომპრომისი დაშვებული. დავუშვით კომპრომისი სახელმწიფოს ინტერესებიდან გამომდინარე და პერსპექტივა იმისა, რომ მათ რაიმე უპირატესობა მოიპოვონ პოლიტიკური, ამის პერსპექტივა არ არსებობს. აქედან გამომდინარეობს ყველაფერი, რაც ამ ღია წერილში არის ჩამოყალიბებული",- განაცხადა გიორგი ვოლსკიმ.

პარლამენტის თავმჯდომარის პირველი მოადგილის თქმით, სამწუხაროა, რომ „ნაციონალურ მოძრაობას" ზოგიერთი პოლიტიკური მოძრაობა შეუერთდა.

„სამწუხაროა, რომ „ნაცმოძრაობის" კლასტერს შეუერთდა ზოგიერთი პოლიტიკური მოძრაობა, რომელიც ამ ვითარებაში პოლიტიკურ გამორჩენას ელოდება და პასუხისმგებლობა ქვეყნის და ხალხის წინაშე აქვთ დავიწყებული",- აღნიშნა გიორგი ვოლსკიმ.​

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს