„მოძალადესთან ნუ გაიგივდები“, „სირცხვილია“,“დაგვიცავი - ნუ გაიწევი“, - ამ ლოზუნგებით სამოქალაქო მოძრაობების „შეცვალეს“ და „სირცხვილიას“  წევრები შინაგან საქმეთა სამინისტროსთან აქცია-პერფორმანსს მართავენ.

აქციის მონაწილეებს ადგილზე ზოლიანი ჯოხები აქვთ მიტანილი, რაც მათი განმარტებით, 90-იანი წლების „გაისთან“ ასოცირდება.

აქციის ერთ-ერთი ორგანიზატორის, გიგა მაქარაშვილის თქმით, მთავარი მოთხოვნაა, რომ სამართალდამცველებმა მშვიდობიანი მოქალაქეები დაიცვან და ქვეყანაში ადრე მოქმედ „გაიშნიკებს“ არ დაემსგავსონ.

„სამწუხაროდ, პოლიცია გადგა გვერდზე და აღარ იცავს დემონსტრანტებს, აღარ იცავს მათ კონსტიტუციურ უფლებას მშვიდობიანად შეიკრიბონ და გააპროტესტონ. ეს არის ძალიან საშიში ტენდენცია და თბილისში, მცხეთაში, ქუთაისში, ზუგდიდში ზუსტად შეგვიზლია ვთქვათ, რომ პოლიციამ არც ერთხელ არ მოახდინა რეაგირება. არც ერთი ადამიანი დაკავებული არ არის. მარტივად გაუკეთეს აგრესიულ ძალებს კორიდორი და მიუშვეს. ჩვენი თხოვა იქნება, მოვიდნენ გონს და ადამიანები, რომლებიც სიმშვიდესთან და უსაფრთხოებასთან უნდა ასოცირდებოდნენ, არ გახდნენ ამ ძველისძველ „გაისთან“ ასოცირებული“, - განაცხადა მოძრაობა „სირცხვილიას“ წევრმა გიგა მაქარაშვილმა.

ავტორი: ექსპრესნიუსი,

სოციალური ქსელები

კახა კალაძე ინტერ რაოს დასანქცირებაზე: თუ საჭირო აუცლებლობა იქნება რა თქმა უნდა, შესაბამის ნაბიჯებს გადავდგამთ

პროკურატურამ გიორგი ბარამიძის განცხადებასთან დაკავშირებით გამოძიება დაიწყო

Wine Square X Lunatic ერთმანეთის მხარდასაჭერად | მცირე ბიზნესის ჯაჭვი გრძელდება

ვალტონენი – ფინეთი მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას