იუსტიციის უმაღლესი საბჭოს არამოსამართლე წევრი ნაზი ჯანეზაშვილი 10 მიზეზს ასახელებს, რომლის გამოც, უზენაესი სასამართლოს მოსამართლეობის 20 კანდიდატი პარლამენტმა არ უნდა დაამტკიცოს. 

1) 20 ივნისის კენჭისყრაზე გამოვლენილი დარღვევები.

2) გიორგი მიქაუტაძის უზენაესი სასამართლოს მოსამართლეობის კანდიდატად დარღვევით დარეგისტრირება. 

3) იუსტიციის უმაღლესი საბჭოს მდივნის , როგორც იუსტიციის საბჭოს აპარატის ხელმძღვანელის ინტერესთა კონფლიქტი.

4) იუსტიციის უმაღლესი დაბჭოს მდივანს ხელი მიუწვდება სხვა კანდიდატების განცხადებებზე, ელექტრონული პორტალის მეშვეობით.

5) უმაღლესი საბჭოს მოსამართლე წევრების თამარ ონიანისა და ირაკლი შენგელიას ინტერესთა კონფლიქტი.

6) კანონდარღვევით დადგენილი კენჭისყრის შედეგების ოქმი.

7) დიმიტრი გვრიტიშვილი, როგორც საბჭოს სხდომების არაუფლებამოსილი თავმჯდომარე.

8) კენჭისყრის თაობაზე კანონის მოთხოვნების უგულებელყოფა.

9) სხდომების საჯაროობის ნაკლებობა, სხდომის დროისა და დღის წესრიგების დაგვიანებით გამოქვეყნების თვალსაზრისით.

10) მოსამართლე წევრების მხრიდან სამოსამართლო ეთიკის სტანდარტების დარღვევა. 

ჯანეზაშვილი იმედოვნებს, რომ პარლამენტი განსხვავებულ აზრს ყურადღებას მიაქცევს, რადგან საუბარია კანონის დარღვევაზე და ამის დამადასტურებელი მტკიცებულებები დოკუმენტში მითითებული აქვს. 

„ჩემს დოკუმენტში საუბარია იმ 10 პროცედურულ ხარვეზზე, რომლის გამოც პარლამენტმა მხარი არ უნდა დაუჭიროს თუნდაც ერთ წევრს. აქ გაანალიზებული და შეჯამებულია ყველა ის ხარვეზი, რომელიც გამოვლინდა იუსტიციის უმაღლეს საბჭოში კანდიდატების შერჩევის დროს. პარლამენტს უფლება აქვს, მხედველობაში მიიღოს ან არ მიიღოს დოკუმენტში წარმოდგენილი ხარვეზები და შესაბამისად, გაითვალისწინოს ან არ გაითვალისწინოს რეკომენდაცია, რომელიც პარლამენტს მოუწოდებს, მხარი არ დაუჭიროს უზენაესი სასამართლოს მოსამართლეობის არც ერთი კანდიდატს“, - ამბობს ჯანეზაშვილი. 

ავტორი: ექსპრესნიუსი,

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს