ნატო-ს გენერალური მდივნის როუზ გოტემიულერის განცხადებით, ოკუპირებული აფხაზეთისა და ე.წ. სამხრეთ ოსეთის გარეშე საქართველოს ალიანსში მიღების საკითხი არ განხილულა. ამის შესახებ ნოტო-ს გენმდივნის მოადგილემ რუსულ "კომერსანტთან" ინტერვიუში განაცხადა. 

როგორც გოტემიულერმა განმარტა, 2008 წლის ბუქარესტის სამიტზე საქართველომ და უკრაინამ ალიანსში გაწევრიანების სურვილი დააფიქსირეს, რაზეც დადებითი პასუხი მიიღეს. მისივე თქმით, მიუხედავად იმისა, რომ ორი ქვეყანა ალიანსის წევრი გახდება, კონკრეტული თარიღები ჯერ ცნობილი არ არის. 

„ჩვენ ვადებს არასდროს ვაცხადებთ, მით უმეტეს, როდესაც ახალი წევრების მიღებაზეა საუბარი. ეს პროცესი ყოველთვის შეთანხმების პროცედურასთან და წევრ ქვეყნებს შორის კონსენსუსთან არის დაკავშირებული. ყველა ქვეყანას აქვს უფლება გადაწყვიტოს, როგორ უზრუნველყოს თავისი უსაფრთხოება, რაზეც გარე ძალები გავლენას არ უნდა ახდენდნენ. მას შემდეგ რაც ქვეყანა ნატო-ს წევრი ხდება, მისი უსაფრთხოება და ეკონომიკური ზრდა უფრო თვალსაჩინო ხდება“, - აღნიშნა გოტემიულერმა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს