„მე არ მგონია, რომ კანონით უნდა აიკრძალოს რომელიმე კატეგორიის დანაშაულის ჩამდენის შეწყალება საერთოდ“, - ამის შესახებ იუსტიციის მინისტრმა თეა წულუკიანმა მთავრობის სხდომის დასრულების შემდეგ განაცხადა.

წულუკიანმა განმარტა, თუ როდის და რა პირობებში უნდა იყოს შესაძლებელი მძიმე დანაშაულზე მსჯავრდებული პირების შეწყალება.

„მე ვფიქრობ, რომ კონკრეტული შეწყალებების გადაწყვეტილებებზე რამდენიმე დღის განმავლობაში ჩემგან ბევრი და სრულყოფილი კომენტარები გაკეთდა, ამიტომ კონკრეტულ გადაწყვეტილებებს აღარ შევეხები. რაც შეეხება მომავალს, მე არ მგონია, რომ კანონით უნდა აიკრძალოს რომელიმე კატეგორიის დანაშაულის ჩამდენის შეწყალება საერთოდ. უბრალოდ უნდა დადგინდეს მკაფიო კრიტერიუმები, როდის და რა პირობებში შეიძლება გახდეს შესაძლებელი ამა თუ იმ დანაშაულის ჩამდენი პირის შეწყალება. განვმარტავ, როდის ნიშნავს იმას, რომ გამორიცხული უნდა იყოს მკვლელის შეწყალება, თუ მას მისჯილი აქვს მაგალითისთვის 9 წელი, 2 წლის თავზე შეწყალება. თუ მკვლელს მისჯილი აქვს უვადო პატიმრობა ჩვენ ალბათ არ უნდა დავუშავათ ის, რომ ეს ადამიანი 20-25 წლის შემდეგ მისი ასაკიდან, ჯანმრთელობის მდგომარეობიდან, მონანიების ხარისხდიდან გამომდინარე, რესოციალიზაციისა და რეაბილიტაციის ხარისხიდან გამომდინარე არ სარგებლობდეს შეწყალების უფლებით. ამიტომაც ჩვენ კრიტერიუმები უნდა დავხვეწოთ და არა აკრძალვების გზით ვიაროთ. ასევე დავხვეწოთ პროცესი, თუ ვინ უნდა შეაფასოს კონკრეტული პატიმარი. ამას ვერ შეაფასებს ვერც პრეზიდენტი, ვერც მინისტრი და ვერც მხატვარი. ეს უნდა შეაფასოს რეაბილიტაციის რესოციალიზაციის სპეციალისტმა, მედიატორმა. გარდა ამისა, მნიშვნელოვანია, რომ დაზარალებული იყოს თანახმა და ბევრი სხვა პროცესები, რაც დღეს შეწყალების პროცესში არ ხდება“, - განაცხადა თეა წულუკიანმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს

ფონ დერ ლაიენი: აშშ-მ და ევროკავშირმა ერთობლივად მიზანში უნდა ამოიღონ რუსეთის შემოსავლის ყველა წყარო

დრონების თავდასხმის შემდეგ ილსკის და სიზრანის ნავთობგადამამუშავებელ ქარხნებს ცეცხლი გაუჩნდა.