დემოკრატია არ შენდება 24 საათში და არც 10 წელიწადში. ის არის პროცესი, - ამის შესახებ იუსტიციის მინისტრმა თეა წულუკიანმა მთავრობის სხდომის დასრულების შემდეგ განაცხადა, რითაც უზენაეს სასამართლოში უვადო მოსამართლეების შერჩევის პროცესს გამოეხმაურა.

როგორც იუსტიციის მინისტრმა აღნიშნა, სასამართლო სისტემაში რეფორმების განხორხციელების მხრივ პოზიტიური შედეგებია, თუმცა მისი შეფასებით გამოწვევებიც რჩება.

„ჩვენს ქვეყანაში საფრთხე, როგორც ასეთი, არ არსებობს, მაგრამ არსებობს განვითარების პროცესი, რომელ პროცესსაც ჩვენ ყველამ - მთავრობის წარმომადგენებმა თუ მოქალაქეებმა სხვადასხვა სექტორიდან ხელი უნდა შევუწყოთ, რადგანაც ინსტიტუციური დემოკრატია არ შენდება 24 საათში და არც 10 წელიწადში. ის არის პროცესი. ამ მშენებლობის გზაზე ჩვენ გვაქვს ხელშესახები პროგრესი. ის რომ საქართველოში არაერეთი რეფორმა ჩატარდა 2012 წლიდან დღემდე სასამართლო სისტემაში ნათელია. ამ რეფორმების შედეგი არის ხელშესახები. ეს პროცესები არის პოზიტიური, მაგრამ გამოწვევა არის ის, რომ პოზიტიური შედეგები შევინარჩუნოთ, რეფორმები გავაგრძელოთ და მივაღწიოთ იმას, რაც თითოეულ ჩვენგანს გვინდა. კომპეტენციის მხრივ ჩვენ გვყავს არამხოლოდ მოქმედ მოსამართლეებში, არამედ იმ კანდიდატებში, ვისაც შეიძლება მომავალში სურდეს მოსამართლეობა, როგორც კვალიფიციური, ასევე ნაკლებად კვალიფიციურები. შესაბამისად, ეს რჩება გამოწვევად და ეს უნდა დავინახოთ, როგორც პროგრესის გზაზე განვითარების პროცესი და არა ის, რომ უცბად მოვიგონოთ საბოლოო შედეგი“, - განაცხადა თეა წულუკიანმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს

ფონ დერ ლაიენი: აშშ-მ და ევროკავშირმა ერთობლივად მიზანში უნდა ამოიღონ რუსეთის შემოსავლის ყველა წყარო

დრონების თავდასხმის შემდეგ ილსკის და სიზრანის ნავთობგადამამუშავებელ ქარხნებს ცეცხლი გაუჩნდა.