რუსეთის საგარეო საქმეთა მინისტრის სერგეი ლავროვის განცხადებით, ის საქართველოსთან ავიამიმოსვლას აღადგენდა, - ამის შესახენ დიპლომატმა "კომერსანტთან" ინტერვიუში განაცხადა. 

ამასთან, რუსი დიპლომატის მტკიცებით, ის ყოველთვის მხარს უჭერდა საქართველოსთან მეგობრობას. 

"საქართველოსთან პირდაპირ ფრენებს აღვადგენდი. მგონია, რომ ეს იქნება სწორი, მას შემდეგ, რაც საქართველოს მოსახლეობის უმრავლესობამ გაიაზრა იმ პროვოკაციული ხრიკის კონტრპროდუქტიულობა, რომელიც საქართველოს პარლამენტში მოხდა. მაშინ, ოპოზიციურმა პარტიებმა უხეშად ჩაშალეს ეს ღონისძიება და შემდეგ რუსეთს დააბრალეს ისეთი ნაბიჯების გადადგმა, რამაც თითქოს რუსოფობიური კამპანია გააღვივა. მაგრამ, იქ არაფერი მომხდარა შეთანხმებული პროცედურის გარდა, რომელიც მძვინვარე ხალხის ჯგუფმა შეაჩერა. მათ სხვათაშორის წინასწარ მომზადებული პლაკატები ჰქონდათ. ისინი ამას გააზრებულად აკეთებდნენ. რუსოფობიური ისტერიის მიზეზი დარბაზში რუსული დელეგაციის გამოჩენა ნამდვილად არ ყოფილა. ყოველთვის მხარს ვუჭერდი საქართველოსთან მეგობრობას", - განაცხადა სერგეი ლავროვმა. 

გარდა ამისა, ლავროვის თქმით, 2019 წლის ზაფხულში საქართველოსთვის სავიზო რეჟიმი უნდა გაუქმებულიყო და შესაბამისი გადაწყვეტილება უკვე მიღებული იყო. თუმცა, როგორც ლავროვმა განმარტა, ივნისის მოვლენებმა ეს პროცესი უკან დახიეს. 

"ეს არ იყო ადვილი. საბოლოოდ, ვლადიმერ პუტინმა მიიღო გადაწყვეტილება, რომ ამას გავაკეთებდით, რათა ხალხებს კომუნიკაციის დამყარების საშუალება ჰქონოდათ და ტურიზმის განვითარებას ხელი შეწყობოდა. ივნისის გამოხტომამ, რა თქმა უნდა, უკან დახია მთელი პროცესი", - განაცხადა ლავროვმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს

ფონ დერ ლაიენი: აშშ-მ და ევროკავშირმა ერთობლივად მიზანში უნდა ამოიღონ რუსეთის შემოსავლის ყველა წყარო

დრონების თავდასხმის შემდეგ ილსკის და სიზრანის ნავთობგადამამუშავებელ ქარხნებს ცეცხლი გაუჩნდა.