შინაგან საქმეთა მინისტრმა, ვახტანგ გომელაურმა საქართველოში ნატოს სამეკავშირეო ოფისის ხელმძღვანელთან, როზარია პუგლისთან შეხვედრა გამართა.

შეხვედრაზე მხარეებმა ნატო-საქართველოს თანამშრომლობის ფარგლებში არსებულ პრიორიტეტულ მიმართულებებზე და შინაგან საქმეთა სამინისტროს კომპეტენციაში შემავალი საკითხების მიმდინარეობაზე ისაუბრეს.  განსაკუთრებული ყურადღება  შავი ზღვის უსაფრთხოების სფეროში თანამშრომლობის გაღრმავებას დაეთმო. 

შინაგან საქმეთა მინისტრმა ხაზი გაუსვა ქ. ბათუმში დაგეგმილ ჩრდილოატლანტიკური საბჭოს ვიზიტის მნიშვნელობას, რაც ნატოს მხრიდან მტკიცე მხარდაჭერის მორიგი დადასტურებაა.
ვახტანგ გომელაურმა მადლობა გადაუხადა ნატოს სამეკავშირეო ოფისის ხელმძღვანელს სამინისტროში დაგეგმილ და მიმდინარე რეფორმებში მხარდაჭერისათვის და იმედი გამოთქვა, რომ წარმატებული თანამშრომლობა მომავალში კიდევ უფრო გაძლიერდება.

(NS)

ავტორი: ექსპრესნიუსი,

სოციალური ქსელები

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს

ფონ დერ ლაიენი: აშშ-მ და ევროკავშირმა ერთობლივად მიზანში უნდა ამოიღონ რუსეთის შემოსავლის ყველა წყარო

დრონების თავდასხმის შემდეგ ილსკის და სიზრანის ნავთობგადამამუშავებელ ქარხნებს ცეცხლი გაუჩნდა.