„ნიკა მელიას მიმართ პატიმრობა არ იქნა გამოყენებული, რადგან სასამართლომ ჩათვალა, რომ არ იყო ამის აუცილებლობა“, - ამის შესახებ უზენაესი სასამართლოს მოსამართლეობის კანდიდატმა მერაბ გაბინაშვილმა პარლამენტის იურიდიულ საკითხთა კომიტეტის სხდომაზე, ენმ-ს ერთ-ერთი ლიდერის რომან გოცირიძის კითხვის საპასუხოდ განაცხადა.

გოცირიძე დაინტერესდა, გაბინაშვილმა ნიკა მელიას მიმართ აღკვეთის ღონისძიების დამძიმებასთან დაკავშირებით მიღებული მოსამართლეების 20-კაციან სიაში მოხვედრის გამო ხომ არ მიიღო, რაზეც მოსამართლეობის კანდიდატმა უპასუხა, რომ ის გადაწყეტილებებს კანონისა და შინაგანი რწმენის საფუძველზე იღებს.

„ნიკა მელისათვის აღკვეთი ღონისძიების დამძიმებით მართლაც შემოვიდა პროკურატურა, გირაოს შეცვლას პატიმრობით ითხოვდნენ. ნიკა მელიას მიმართ მიღებული გადაწყვეტილება არის აბსოლუტურად კანონიერი, აბსოლუტურად მოსამართლის დისკრეციის ფარგლებში მიღებული და დღეს რომ  ვიხილავდე ამ საქმეს იგივე მოცემულობით, აბსოლუტურად იგივე გადაწყვეტილებას მივიღებდი.

ნიკა მელიას მიმართ პატიმრობა არ იქნა გამოყენებული, რადგან სასამართლომ ჩათვალა, რომ არ იყო ამის აუცილებლობა. ამით არ დაკმაყოფილდა პროკურატურის შუამდგომლობა. ის, რომ დამატებითი ღონისძიება იქნა გამოყენებული, მე შემიძლია გითხრათ, რომ სასამართლომ ჩათვალა აუცილებელ საჭიროებად, იმ კანონმდებობის გათვალისწინებით, რომელიც უშვებდა ამ ღონისძიების გამოყენებას და მე ვიყავი ის პირი, რომელსაც ამის უფლება და დისკრეცია ჰქონდა. ვიმეორებ, ეს გადაწვეტილება სასამართლომ კანონისა და შინაგანი რწმენის საფუძველზე მიიღო. ასეთი გადაწვეტილება მივიღე და ჩავთვალე საჭიროდ“, - განაცხადა უზენაესი სასამართლოს მოსამართლეობის კანდიდატმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს

ფონ დერ ლაიენი: აშშ-მ და ევროკავშირმა ერთობლივად მიზანში უნდა ამოიღონ რუსეთის შემოსავლის ყველა წყარო

დრონების თავდასხმის შემდეგ ილსკის და სიზრანის ნავთობგადამამუშავებელ ქარხნებს ცეცხლი გაუჩნდა.