„ერთიანი ნაციონალური მოძრაობა“ სალომე ზურაბიშვილის მიერ მიღებულ გადაწყვეტილებებს ხვალ, 20 სექტემბერს, 19:00 საათზე, პრეზიდენტის რეზიდენციასთან გააპროტესტებს.

აღნიშნულის შესახებ დღეს გამართულ ბრიფინგზე „ნაციონალური მოძრაობის“ ერთ-ერთმა ლიდერმა ზალიკო უდუმაშვილმა ისაუბრა.

მან ყურადღება გაამახვილა პრეზიდენტის მიერ განხორციელებულ შეწყალებებზე და აღნიშნა, რომ ქვეყნისთვის ძალიან მძიმე და საზიანო გადაწყვეტილებებია.

„ფაქტია, რომ სალომე ზურაბიშვილის ნებისმიერი გამოსვლა, ნებისმიერი განცხადება და გადაწყვეტილება,  ქვეყნისთვის საზიანოა და როგორც საშინაო, ასევე  საგარეო სკანდალს იწვევს.

ამჯერად საქმე ეხება ე.წ. შეწყალებების სერიას.  2 კვირის წინ, ჩვენ შევიტყვეთ, რომ საქართველოს პრეზიდენტმა  პოლიციელის მკვლელობაში მსჯავრდებული პირი შეიწყალა. ბოლო დღეების განმავლობაში კი აღმოჩნდა, რომ ის სიაში ერთადერთი მკვლელობისთვის გასამართლებული არ ყოფილა.  კიდევ ერთი სამართლებრივი ნოუსენსი იყო, როცა პრეზიდენტმა ძებნილი პირი შეიწყალა.

სავარაუდოდ, პრეზიდენტის ადმინისტრაციაში გამეფებულია კორუფცია და სწორედ ამას უკავშირდება აღნიშნული შეწყალებები. ასევე, სალომე ზურაბიშვილი პირდაპირ ასრულებს ბიძინა ივანიშვილის დავალებებს, რომელიც დღეს ვალში იმყოფება კრიმინალურ სამყაროსთან და მათთვის ხარკის გადახდა მიმდინარეობს იმ დახმარებისთვის, რომელიც ე.წ. ქურდულმა სამყარომ ივანიშვილს არჩევნებზე აღმოუჩინა.

ზურაბიშვილი დღეს ამ ქვეყნისთვის საშიშია. მისი ნებისმიერი გადაწყვეტილება ქცეყნისთვის საზიანოა.  მას არანაირი სამართლებრივი და მორალური უფლება არ გააჩნია  ქვეყნის მთავარსარდლის და პირველი პირის თანამდებობას იკავებდეს.

ამიტომ, ჩვენ, ხვალ, 20 სექტემბერს, 19:00  საათზე შევიკრიბებით ათონელზე, პრეზიდენტის რეზიდენციასთან, რათა კიდევ ერთხელ გამოვხატოთ პროტესტი. 20:00 საათზე კი ყველა ერთად დავიძრებით და შევუერთდებით რუსთაველზე მიმდინარე ფართობასშტაბინ აქციას", - განაცხადა უდუმაშვილმა.

ავტორი: ექსპრესნიუსი,

სოციალური ქსელები

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით