ოხანაშვილი - გუშინ „დოიჩე ველეში“ გამოქვეყნებული სტატიით ენმ-მ საზოგადოების შეცდომაში შეეყვანა სცადა

2019-09-10 11:47:51, 1183 ნახვა

პოლიტიკა

„გუშინ დოიჩე ველეში გამოქვეყნებულ სტატიასთან დაკავშირებით ნაციონალურმა მოძრაობამ სცადა ჩვენი საზოგადოება კვლავ შეცდომაში შეეყვანა. მათ და მათმა სატელიტმა ტელევიზიებმა ატრიალეს ინგლისურენოვანი სტატია გახარიას შესახებ და ცდილობდნენ გაესაღებინათ ბრჭყალებში ჩასმული ტექსტი - „მოსკოვის კაცი“ დოიჩე ველეს პოზიციად, რაც დოიჩე ველემ მალევე უარყო,- ამის შესახებ პარლამენტის იურიდიული კომიტეტის თავმჯდომარე ანრი ოხანაშვილმა განაცხადა.

მისი თქმით, ნაციონალურმა მოძრაობამ დამალა ,,დოიჩე ველეს“ გერმანულენოვანი სტატია, სადაც სათაურშივე წერია, რომ საქართველოს ახალი პრემიერ-მინისტრი აკრიტიკებს მოსკოვს.

„ამ სიცრუის ტირაჟირებისთვის მათ დამალეს დოიჩე ველეს გერმანულენოვანი სტატია, სადაც დოიჩე ველე სათაურშივე წერს, რომ "საქართველოს ახალი პრემიერ-მინისტრი აკრიტიკებს მოსკოვს. სინამდვილეში, ეს მოდელირებული ტექსტი რომ დოიჩე ველეს პოზიციას არ გამოხატავდა, დადასტურდა იმითაც, რომ იმავე სტატიაში ხაზგასმით არის აღნიშნული გახარიას სახელმწიფოებრივი პოზიცია ოკუპაციასთან მიმართებაში, სადაც ის აღნიშნავს რომ მისი ქვეყნისთვის აფხაზეთისა და სამხრეთ ოსეთის ოკუპაცია ყველაზე დიდ პრობლემას წარმოადგენს. დოიჩე ველეს გერმანულენოვან სტატიაში ასევე წერია ის, რისი თქმაც არ აწყობდა ყველაფრის გამყალბებელ ნაცმოძრაობას, რომ ქვეყნის ახალმა პრემიერმა, როგორც მთავრობის მეთაურმა, ხაზი გაუსვა საქართველოს მისწრაფებას ევროკავშირსა და ნატოში შესვლისკენ და აშშ-სთან ურთიერთობის გაღრმავების სურვილს“, - განაცხადა ანრი ოხანაშვილმა.

როგორ იურიდიული კომიტეტის თავმჯდომარე აცხადებს, საზოგადოებასთან ერთად ყოველთვის უნდა მოხდეს სიცრუეში „ნაციონალური მოძრაობის“ მხილება.

„ჩვენი ამოცანაა ჩვენს საოზგადოებასთან ერთად ყოველთვის ვამხილოთ ეს სიცრუის მოძრაობა და არ მივცეთ საზოგადოების შეცდომაში შეყვანის უფლება”, - აცხადებს ანრი ოხანაშვილი.