2019-09-05 14:35:48, 1340 ნახვა

---

გომელაური: ვიცოდით, რომ გავრილოვი უნდა ჩამოსულიყო, თუმცა მისი თავმჯდომარის სკამზე აბრძანება სპონტანურად მოხდა

„ვიცოდით, რომ ჩამოდიოდა გავრილოვი დელეგაციით, მაგრამ თავმჯდომარის სავარძელში რომ უნდა ჩაბრძანებულიყო, რა თქმა უნდა, არ ვიცოდით“, - ამის შესახებ შინაგან საქმეთა მინისტრობის კანდიდატმა ვახტანგ გომელაურმა პარლამენტში ოთხი კომიტეტის გაერთიანებულ სხდომაზე განაცხადა.

მისი განმარტებით, რუსი დეპუტატის სერგეი გავრილოვის მიერ სპიკერის სკამის დაკავება სპონტანურად მოხდა.

„რაც შეეხება, გავრილოვის თემაზე იკითხეს, რა თქმა უნდა, ვიცოდით, რომ ჩამოდიოდა გავრილოვი თავისი მთლიანი დელეგაციით, მაგრამ აბრძანებულიყო და თავმჯდომარის სავარძელში უნდა ჩაბრძანებულიყო, რა თქმა უნდა, არ ვიცოდით. უცებ მოხდა, სპონტანურად. სახელმწიფო გადატრიალების მცდელობა კი მას შემდეგ მოხდა გარეთ, რაც პირაპირ ჩანს კადრებში და მე მგონი ზოგზოგიერთებს 2003 წელი და 2019 წელი აერიათ. კიდევ ერთხელ მადლობა იმ ბიჭებს, რომელთაც დაიცვეს თავიანთი ჯანმრთელობის ფასად ჩვენი სახელწიფო და არ მოხდა უფრო მეტი უბედურება“, - აღნიშნა ვახტანგ გომელაურმა.   

 

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი