20 აგვისტოს სამთავრობო კომისიების საექსპერტო ჯგუფებმა სოფელ ვახტანგისისა და დავით გარეჯის სამონასტრო კომპლექსის მიდამოები დაათვალიერეს. ექსპერტებმა მოცემულ მონაკვეთებთან დაკავშირებით, ორი ქვეყნის კომისიების პოზიციები განიხილეს და ხედვები წარადგინეს, - ამის შესახებ ინფორმაციას საგარეო საქმეთა სამინისტრო ავრცელებს.

საქართველოს ექსპერტთა ჯგუფმა აზერბაიჯანის მხარეს ადგილზე განუმარტა თავისი პოზიცია საზღვრის გამავლობასთან დაკავშირებით. მუშაობის შედეგები მიეწოდება კომისიების თავმჯდომარეებს შემდგომი განხილვის მიზნით.

უწყების ცნობით,  მომდევნო დღეებში დაგეგმილია ანალოგიური სამუშაოების განხორციელება საზღვრის სხვა შეუთანხმებელ მონაკვეთებზე.

ექსპერტთა სამუშაო შეხვედრა პირველ ეტაპზე, სავარაუდოდ, მიმდინარე წლის 23 აგვისტომდე გაგრძელდება, რის შემდეგაც დაიგეგმება დარჩენილი შეუთანხმებელი მონაკვეთების დათვალიერების მეორე ეტაპი, შესაძლო მოკლე ვადებში.

საგარეო უწყების ინფორმაციით, საექსპერტო შეხვედრების დასრულების შემდეგ, თბილისში, სექტემბერში კომისიების შეხვედრები იგეგმება.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო