მიჭირს სერიოზული კომენტარი გავაკეთო, ვინაიდან თუ სწორად მახსოვს, 2012 წელს თავად საუბრობდა ამ გზის მშენებლობაზე, - ასე უპასუხა დღეს რეგიონული განვითარებისა და ინფრასტრუქტურის მინისტრის პირველმა მოადგილემ ირაკლი ქარსელაძემ  ჟურნალისტის შეკითხვას საქართველოს ექს-პრეზიდენტის მიხეილ სააკაშვილის მიერ ქვეშეთი-კობის საგზაო პროექტზე გუშინ გამოქვეყნებული faceebook-პოსტის შესახებ.

ირაკლი ქარსელაძის თქმით, ქვეშეთი-კობის პროექტი მიმართულია, პირველ რიგში, რეგიონის განვითარებაზე.

„ამ პროექტით ვცდილობთ წლების განმავლობაში დაუძლეველი პრობლემის მოგვარებას, ვგულისხმობ შეფერხებულ საგზაო მოძრაობას და უბედური შემთხვევების სტატისტიკას. შეგახსენებთ, ამ გზაზე  დევდორაკის სტიქია გვქონდა და იქაც აშენდა 1,7 კმ-იანი გვირაბი, რომელიც დღეს გვაძლევს იმის შესაძლებლობას, რომ იქ უკვე მსგავსი მოვლენების განვითარების შემთხვევაში აღარავინ დაიღუპოს და პირიქით, უსაფრთხოდ გადაადგილდეს. ჩვენი რელიეფიდან გამომდინარე მსგავსი ადგილები მრავლად გვაქვს და ვისურვებდი, რომ გვქონოდეს  შესაძლებლობა, რომ ყველგან ის საჭირო ინფრასტრუქტურული გავაკეთოთ, რაც ჩვენს მოსახლეობას და სტუმრებს თავს უსაფრთხოდ აგრძნობინებ, გადაადგილებას კი დაუბრკოლებელს და კომფორტულს გახდის“, - აღნიშნა ირაკლი ქარსელაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო