„საქართველოს 20% ოკუპირებულია რუსეთის მიერ“, „აფხაზეთი და სამაჩაბლო საქართველოა“, „რუსეთი კლავს“ - ამ წარწერებით,  ანტისაოკუპაციო მოძრაობის „რუსეთი ოკუპანტია“-ს  წევრებმა ბანერები თბილისის იუსტიციის ხიდიდან გადმოფინეს. 

აქციის მონაწილეები აცხადებენ, რომ ისინი აპროტესტებენ რუსეთის აგრესიას, რომელიც  2008 წლამდე დიდი ხნით ადრე დაიწყო და დღემდე მიმდინარეობს. 

„ოკუპაცია, მიუხედავად იმისა, რომ  თითოეული საქართველოს მოქალაქისთვის მტკივნეულია, ყველაზე მეტად გადის იმ ადამიანებზე, რომლებიც ბოლო  7 წელია ამ გააქტიურებულ ბორდერიზაციაას ემსხვერპლნენ - ვინც სახლი დაკარგეს ამის გამო, ვინც ოჯახის წევრი დაკარგეს. ჩვენ დღეს გვქონდა პერფორმანსი, სადაც 170 ჯარისკაცის გვარი გვქონდა, რომელიც გარდაიცვალა. ასევე, არის 200-ზე მეტი ადამიანი, რომელიც იქ დაიღუპა. რეალურად, ამ ადამიანებმა, ამ ადამიანების ოჯახის წევრებმა, იმ ადამიანებმა, რომლებმაც სახლი დაკარგეს, ის ადგილი დაკარგეს, სადაც გაიზარდნენ, მათ ყველაზე რთულად გადაიტანეს ეს ყველაფერი, მათი ცხოვრება შეიცვალა. ამ დროს ჩვენ რას ვშვრებით? ვემეგობრებით რუსეთს. რუსეთთან ომი არც 2008 წელს დაწყებულა და არც დამთავრებულა, ბევრად უფრო ადრე დაიწყო და დღემდე მიმდინარეობს. აუცილებელი არაა, რომ ტანკი შემოვიდეს თბილისში რომ თქვა, ომი დაიწყოო. ომი დღემდე გრძელდება. არასდროს უნდა დაგვავიწყდეს, რომ რუსეთი არის მტერი და ის მეგობარი ვერ იქნება, სანამ გააგრძელებს ამ ქმედებებს“, - აცხადებს ანტისაოკუპაციო მოძრაობა „რუსეთი ოკუპანტიას“ აქტივისტი მარიამ გეგუჩაძე.

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო