„იმედია, ენმ არ იტყვის იმას, რომ ივანიშვილმა მოისყიდა სტრასბურგის სასამართლო“, - ასე გამოეხმაურა „ქართული ოცნების“ წევრი სოფო კილაძე,  სტრასბურგის სასამართლოს გადაწყვეტილებას, რომლმაც R2-ის საქმეზე დარღვევა არ დაადგინა.

როგორც კილაძემ განაცხადა, ევროპულმა სასამართლომ სამართლიანი გადაწვეტილება მიიღო.

„მე ძალიან დიდი იმედი მაქვს, რომ „ნაციონალური მოძრაობა“ არ იტყვის იმას, რომ ბიძინა ივანიშვილმა მოისყიდა სტრასბურგის სასამართლო ან სხვა რაიმე მსგავს ნონსენსს, თუმცა, სტრასბურგის სასამართლომ მიიღო ის გადაწყვეტილება, რომელიც მიიღო. ყოველთვის, გადაწყვეტილებისას ერთ-ერთი მხარე არის უკმაყოფილო, ამ შემთხვევაში, სტრასბურგმა ჩათვალა, რომ საქართველოს სასამართლოების გადაწყვეტილება იყო სამართლიანი და სრულ შესაბამისობაში მოდიოდა კონვენციასთან. აქედან გამომდინარე, მე სიმართლე გითხრათ ძალიან მაოცებს, როგორ ახერხებს ოპოზიცია და მათთან აპელირებული პირები, რომ საქმეში კიდევ რაღაც დამატებით დაინახონ სხვადასხვა საფუძველი არასწორი და არასამართლებრივი. ძალიან საოცარი არის, სიმართლე გითხრათ. როდესაც ჩვენი ოპოზიცია თავს დებს იმაზე, რომ დასავლური ორიენტაციის ოპოზიცია არიან და დასავლური ორიენტაციის პარტია არის, მაგალითად, ენმ და იმავდროულად, კითხვის ნიშნის ქვეშ აყენებს სტრასბურგის სასამართლოს გადაწყვეტილებას, ეს მართლაც ორმაგი სტანდარტიც აღარ არის უკვე“, - აღნიშნა სოფო კილაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო