მამუკა ხაზარაძე ჩაება პოლიტიკურ ბრძოლაში, ხელისუფლებამ სხვა არჩევანი არ დაუტოვა, - ამის შესახებ თავდაცვის ყოფილმა მინისტრმა, თინა ხიდაშელმა განაცხადა.

მისი შეფასებით, „თიბისი ბანკის“ დამფუძნებლის მიერ მამუკა ხაზარაძის გადაწყვტილება, საზოგადოებრივი მოძრაობის შექმნაზე, ლოგიკური გადაწყვეტილებაა.

„როდესაც მან საქართველოს პარლამენტში კომიტეტის სხდომაზე ის ცნობილი განცხადება გააკეთა წერილის შესახებ, იმ მომენტში უკვე ნათელი იყო, რომ მან ეს არჩევანი გააკეთა, მან ეს ნაბიჯი გადადგა, მან დაინახა, რომ უბიძგეს სხვა საქმიანობისკენ. ეს სხვა საქმიანობა შეიძლება ყოფილიყო უბრალოდ სახლში დაჯდომა და არაფრის კეთება ან პოლიტიკურ ბრძოლაში ჩაბმა. ის ჩაება პოლიტიკურ ბრძოლაში, მე ვფიქრობ, აბსოლუტურად ლოგიკური გადაწყვეტილება იყო. მას, კიდევ ერთხელ ვამბობ, ხელისუფლებამ სხვა არჩევანი არ დაუტოვა. მამუკა ხაზარაძემ ამ ქვეყანაში ერთ-ერთი წარმატებული ადამიანია, წარმატებული ადამიანები უნდა ქმნიდნენ ხელისუფლება და არა ადამიანები, რომლებიც CV-ს ხსნიან პარლამენტის თავმჯდომარის სკამზე. ამიტომ, ვერანაირ პრობლემას ვერ ვხედავ ვერცერთ თანამშრომლობაში, რომელიც წარმატებულ, ამ ქვეყნის პატრიოტ ადამიანებს შორის დგება ხოლმე“, - აღნიშნა თინა ხიდაშელმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო