ნებისმიერ სამოქალაქო თუ პოლიტიკურ მოძრაობასა თუ ჯგუფს, რომელსაც პროდასავლური კურსი აქვს, მხოლოდ მივესალმები, - ამ სიტყვებით „ევროპული საქართველოს“ ერთ-ერთი ლიდერი, გიგა ბოკერია „თიბისი ბანკის“ დამფუძნელ მამუკა ხაზარაძის განცხადებას გამოეხმაურა, რომელმაც სექტემბერში საზოგადოებრივი მოძრაობის დაფუძნება დაანონსა.

როგორც ბოკერიამ განმარტაა, მზადაა ითანამშრომლოს ყველასთან, ვისთანაც იდეოლოგიური თანხვედრა ექნება.

„არ ვარ პოლიტიკური მიმომხილველი, ნებისმიერ სამოქალაქო თუ პოლიტიკურ მოძრაობასა თუ ჯგუფს, რომელიც ფუნდამენტურად დგას თავისუფალი სამყაროს, პროდასავლური კურსისა და ქვეყნის შიგნით პერსონალური თავისუფლების ფუნდამენტურ ღირებულებებზე, მხოლოდ მივესალმები. მაქვს ღრმა რწმენა, რომ ჩვენი გუნდი – „ევროპული საქართველო“ და ჩვენი პარტნიორები, „თავისუფალი დემოკრატები“ ვართ გუნდი, ვისაც შეუძლია, ივანიშვილის შეცვლის შემდეგ ქვეყანა წინ წაიყვანოს. თუმცა, ყველა პოლიტიკურ ძალას, პატარას თუ დიდს, ძველსა თუ ახალს, რომლებსაც ჩვენი ღირებულებები აქვთ, მივესალმებით და განვიხილავთ პოტენციურ პარტნიორებად“, - განაცხადა გიგია ბოკერიამ.

შეგახსენებთ, რომ მამუკა ხაზარაძის განცხადებით, ახალ საზოგადოებრივ მოძრაობას აფუძნებს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო