ანტისაოკუპაციო აქციის წარმომადგენლებმა პარლამენტის წინ ტერიტორია დაიკავეს

2019-07-09 06:48:58, 1322 ნახვა

პოლიტიკა

რუსთაველის გამზირზე გზა გაიხსნა, პოლიციამ ანტისაოკუპაციო აქციის და ძალადობრივი ჯგუფებს შორის ჩაყენებული ყვითელი ავტობუსები გაიყვანა.

ანტისაოკუპაციო აქციის მონაწილეებმა, პარლამენტის მიმდებარე ტერიტორია დაიკავეს. მიუხედავად ამისა პარლამენტის კიბეები ათამდე რადიკალური ჯგუფების წარმომადგენელს აქვს დაკავებული.

ორივე აქციის შუაში, პოლიცია დგას და ერთმანეთთან მიახლოების საშუალებას არ აძლევენ.

აქციის ერთ-ერთი ორგანიზატორი მარიამ გეგუჩაძე ამობობს, რომ აღარ აპირებენ დათმონ რუსთაველის გამზირზე პარლამენტის მიმდებარე ტერიტორია.

ამასთან, პარლამენტის წინ სადაც სცენაა განთავსებული, სადაც იმყოფებიან ანტისაოკუპაციო და #სირცხვილიას ორგანიზატორები, აქტივისტები გიგა მაქარაშვილი, ნოდარ რუხაძე, უფლებადამცველი გიორგი მშვენიერაძე პროდიუსერი მიშა მშვილდაძე და სხვები.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან