2017-01-22 12:27:13, 1501 ნახვა
პოლიტიკა
„რესპუბლიკური პარტიის“ პოლიტიკური მდივის პოსტზე დავით ბერძენიშვილი თამარ კორძაიამ ჩაანაცვლა
თამარ კორძაია “საქართველოს რესპუბლიკური პარტიის” პოლიტიკურ მდივნად აირჩიეს. დღემდე ამ თანამდებობას დავით ბერძენიშვილი იკავებდა, რომელიც საარჩევნო- პოლიტიკური ანალიზის მდივანი გახდა.
საქართველოს რესპუბლიკური პარტიის ეროვნულმა კომიტეტმა პარტიის აღმასრულებელ სამდივნოში თავმჯდომარის წარდგინებით ახალი წევრი, ინგა მაღრაძე აირჩია. იგი თვითმმართველობის და რეგიონული პოლიტიკის მიმართულებას უხელმძღვანელებს.
რესპუბლიკური პარტიის წესდების მიხედვით, აღმასრულებელ სადივნოს შემადგენლობას, პარტიის თავმჯდომარის წარდგინებით, ეროვნული კომიტეტი ამტკიცებს.
ამჟამად სამდივნოს 7 წევრი ჰყავს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
