„მიხეილ სააკაშვილი და „ნაციონალური მოძრაობა“  არის ერთი დიდი კრიმინალური ბანდა, კრიმინალური ლიდერით სათავეში“,-ასე გამოეხმაურა ლტოლვილთა  და განსახლების მინისტრი სოზარ სუბარი ინტერნეტით გავრცელებულ ფარულ აუდიოჩანაწერს, რომლის თანახმადაც ყოფილი პრეზიდენტი მიხეილ სააკაშვილი და „ნაციონალური მოძრაობის“  წევრები რევოლუციურ სცენარს განიხილავენ.

სუბარის განცხადებით, სააკაშვილის გარდა, მისი  „ბანდის“  ყველა წევრმა იცის, რომ არეულობის მოწყობის შანსი არ აქვთ.

„რაც მთავარია გამოჩნდა, რომ ისინი აბსულუტურად დარწმუნებულნი არიან, რომ არჩევნებს აგებენ ძალიან მაგრად. ამიტომ მათი ერთადერთი შანსი არის არეულობის მოწყობა. ოღონდ სააკაშვილის გარდა მისი ბანდის ყველა წევრმა იცის, რომ არეულობის მოწყობის არანაირი შანსი არა აქვთ, უბრალოდ ისინი ვერ ეწინააღმდეგებიან თავიანთ ლიდერს, უცხო ქვეყნის მოქალაქეს. ძალიან კარგად უწოდა სააკიშვილის მეუღლემ, როცა იგი შეადარა თხუნელას, რომელიც გვირაბებს თხრის. ოღონდ იგი გვირაბებს კი არა, ეს ადამიანი თავის მოძრაობას უთხრის საფლავს”,-აღნიშნა სუბარმა.

ცნობისთვის, სოციალურ ქსელ Youtube-ში მორიგი სატელეფონო საუბრის ჩანაწერი გავრცელდა.

ჩანაწერში სავარაუდოდ, საქართველოს ყოფილი პრეზიდენტის, მიხეილ სააკაშვილისა და „ნაციონალური მოძრაობის“ ლიდერების სატელეფონო საუბარია ასახული, რომლებიც რევოლუციურ სცენარზე საუბრობენ.

ჩანაწერის ავთენტურობა ჯერ-ჯერობით დადასტურებული არ არის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარნეულში 6 ადამიანი ტორტით მოიწამლა, მოკვლევა დაწყებულია

ხალხის ტოტალური კონტროლისთვის არ იქნება აუცილებელი მოქალაქის მიმართვა, რეჟიმი თავად მოძებნის კრიტიკოსებს

დეკანოიძე - საკვებ პროდუქტებზე ფასები დაავიწყდათ, სამაგიეროდ, მდინარაძის ფუნქციისთვის კიდევ უფრო მეტი ჩვენი ფული დაიხარჯება

თიბისი კაპიტალმა მსხვილი ბიზნესისთვის სასესხო პორტფელის სავალუტო სტრუქტურის შესახებ რეკომენდაციები გამოაქვეყნა - მკითხველის კომენტარებზე პასუხებთან ერთად