სანქცირებული ტელეარხ „იმედი TV“-ს აღმასრულებელმა დირექტორმა, მაკა ლომიძემ, საჯარო რეესტრის ეროვნულ სააგენტოს სამეთვალყურეო საბჭოს ახალი წევრების რეგისტრაციის მოთხოვნით მიმართა.

დოკუმენტის თანახმად, ახალმა სამეთვალყურეო საბჭომ თავმჯდომარედ ირაკლი ჩიხლაძე, ხოლო მოადგილედ - ნათია სონღულაშვილი აირჩია.

ტელეკომპანიის განახლებულ სამეურვეო საბჭოში შვიდი ახალი წევრია:

სამეურვეო საბჭოს თავმჯდომარეა გადაცემა „იმედის კვირის“ წამყვანი და ტელეკომპანიის აქციების 10%-ის მფლობელი ირაკლი ჩიხლაძე.

ნათია სონღულაშვილი, „იმედის“ საინფორმაციო სამსახურის ხელმძღვანელი, ტელეკომპანიის სამეთვალყურეო საბჭოს თავმჯდომარის მოადგილე და ტელეკომპანიის მფლობელი კომპანიის აქციების 10%-ის მფლობელი.

მაგდალინა ანიკაშვილი, გადაცემების „იმედი LIVE“ და „Pryamoy Efir“ (პირდაპირი ეთერი) წამყვანი.

მარიამ ლომიძე, ტელეკომპანიის აღმასრულებელი დირექტორი. ის არის ქართული მედია საპროდიუსერო ჯგუფის, „იმედის“ დირექტორი და მისი აქციების 10%-ის მფლობელი.

ვასილ კალანდარიშვილი „იმედის“ ფინანსური დირექტორი და ტელეკომპანიის 10%-იანი წილის მფლობელია.

მაია ჩიგოშვილი „იმედის“ პროგრამების დირექტორი და ტელეკომპანიის საკუთრებაში არსებული კომპანიის 10%-იანი წილის მფლობელია.

ილია მიქელაიშვილი „იმედის“ აქციების 50%-ის მფლობელია.

ავტორი: ექსპრესნიუსი,

სოციალური ქსელები

მარნეულში 6 ადამიანი ტორტით მოიწამლა, მოკვლევა დაწყებულია

ხალხის ტოტალური კონტროლისთვის არ იქნება აუცილებელი მოქალაქის მიმართვა, რეჟიმი თავად მოძებნის კრიტიკოსებს

დეკანოიძე - საკვებ პროდუქტებზე ფასები დაავიწყდათ, სამაგიეროდ, მდინარაძის ფუნქციისთვის კიდევ უფრო მეტი ჩვენი ფული დაიხარჯება

თიბისი კაპიტალმა მსხვილი ბიზნესისთვის სასესხო პორტფელის სავალუტო სტრუქტურის შესახებ რეკომენდაციები გამოაქვეყნა - მკითხველის კომენტარებზე პასუხებთან ერთად