მე ერთი რამ მინდა ვუთხრა ხელისუფლებას - თვალი, რომელიც ამ მდგომარეობაში მაქვს, არ ვიცი, აქედან გამოვიხედავ თუ არა, ან რამდენი პროცენტით გამოვიხედავ, მაგრამ მთავარია, ქვეყანამ გამოიხედოს თვალებიდან,- ამის შესახებ "ერთიანი ნაციონალური მოძრაობის" თავმჯდომარემ, ლევან ხაბეიშვილმა პარლამენტში, ჟურნალისტებთან საუბრისას განაცხადა.

ხაბეიშვილი, რომელსაც წუხელ "უცხოური გავლენის გამჭვირვალობის შესახებ" კანონპროექტის საწინააღმდეგო აქციაზე სამართალდამცველები ფიზიკურად გაუსწორდნენ, მომხდარს "რუსულ ხელწერას" უწოდებს.

"სამწუხარო რეალობაა, რომ დღეს ასეთ ფიზიკურ მდგომარეობაში ძალიან ბევრმა ბავშვმა და ძალიან ბევრმა ახალგაზრდამ და არა მარტო, გაიღვიძა; სამწუხარო რეალობაა, რომ ასე გამეტებით სცემეს ადამიანები. რა თქმა უნდა, რთული ღამე იყო ამ ახალგაზრდებისთვის, ამ ბავშვებისთვის, თუმცა სავარაუდოდ, უფრო რთული იყო მათთვის, ვინც დღეს ხელისუფლებაშია, რადგან მათ ესმით, რომ არანაირი პოლიტიკური და მორალური შინაარსი ამ ადამიანებს აღარ გააჩნიათ. ამიტომ, თუ ვინმეს ჰგონია, რომ ჩვენ არ გავიღიმებთ იმიტომ, რომ კბილი გამოგვეცლება ან თვალს ვერ გავახელთ, ძალიან შემცდარა. გავიღიმებთ იმიტომ, რომ საქართველო გაიმარჯვებს. გაიმარჯვებენ ეს ახალგაზრდები, გაიმარჯვებს საქართველოს ევროპული მომავალი. 

მე ერთი რამ მინდა ვუთხრა ხელისუფლებას, თვალი, რომელიც ამ მდგომარეობაში მაქვს, არ ვიცი, აქედან გამოვიხედავ თუ არა, ან რამდენი პროცენტით გამოვიხედავ, მაგრამ მთავარია, ქვეყანამ გამოიხედოს თვალებიდან.

ჩემს თვალზე კი არ არის, ძალიან ბევრი ახალგაზრდა გალახეს. ჩემი დაკავების დროს, პირდაპირ ეთერი ვერთვებოდი, როცა ახალგაზრდად ბავშვი მოიპარეს, ფაქტობრივად. არ ვიცი იმ ბავშვის ბედი და იმედია, კარგად არის. ეს არის რუსული ხელწერა",- განაცხადა ხაბეიშვილმა, რომელიც დღეს პარლამენტში სამედიცინო დაწესებულებიდან მივიდა.

ავტორი: ექსპრესნიუსი,

სოციალური ქსელები

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა

„თეგეტა მოტორსმა“ Bridgestone-ის საერთაშორისო ღონისძიებას უმასპინძლა, რომელზეც საბურავების ორი ახალი მოდელი წარადგინეს

"საქართველოს ბანკის" მობილბანკიდან უცხოურ ბანკში გადარიცხვების ფუნქციონალი სრულად განახლდა

საინფორმაციო სააგენტო BMG-ი On.ge-ის ყიდულობს - მედიაჩეკერი