2024-05-01 11:23:38, 482 ნახვა
პოლიტიკა
როთი კობახიძეს - შეწყვიტეთ ძალადობა თქვენი მოქალაქეების მიმართ, გაიწვიეთ კანონი!
ბუნდესტაგის საგარეო საქმეთა კომიტეტის თავმჯდომარე მაიკლ როთი ეხმაურება 30 აპრილს რუსთაველის გამზირზე „უცხოური გავლენის გამჭვირვალობის შესახებ“ კანონპროეტქის წინააღმდეგ მიმდინარე მოვლენებს.
როთი საქართველოს პრემიერ-მინისტრს, ირაკლი კობახიძეს მიმართავს და ამბობს, რომ აღნიშნული საქართველოს ევროპულ მომავალს ანადგურებს.
„ძვირფასო ირაკლი კობახიძე, დაუყოვნებლივ შეწყვიტეთ ძალადობა თქვენი მოქალაქეების წინააღმდეგ, რომლებიც ევროპული ღირებულებებისთვის მშვიდობიან დემონსტრაციებს აწყობენ. გაიწვიეთ „უცხოელი აგენტების“ კანონი! არ გაანადგუროთ საქართველოს მომავალი, რომელიც ევროპის გულშია!" - წერს როთი სოციალურ ქსელში.
ავტორი: ექსპრესნიუსი,
epn.ge (@expressnews.ge)
