2024 წელს, აჭარის ჯანმრთელობისა და სოციალური დაცვის სამინისტროს “ეკომიგრანტი ოჯახების საცხოვრებლით უზრუნველყოფის” პროგრამის ფარგლებში უსაფრთხო საცხოვრისის შესაძენად ბენეფიციარი ოჯახის თანადაფინანსება, მის მიერ შერჩეული საცხოვრებელი ფართის შესაძენად, 50 000 ლარამდე გაიზარდა. 

"აჭარის მთავრობის ინიციატივით, მიმდინარე წელს, თითოეულ ეკომიგრანტ ოჯახზე გაიზარდა სახელმწიფოს მხრიდან დაფინანსების წილი 50 000 ლარამდე. 2023 წელს აღნიშნული თანხა 40 000 ლარს შეადგენდა. პროგრამის განხორციელება დაიწყო 2016 წელს და მაშინ თანადაფინანსების წილი 25 000 ლარი იყო. დღეს ვიმყოფებით ბათუმის იუსტიციის სახლში, სადაც 11 ეკომიგრანტ ოჯახს საკუთრებაში ურეგისტრირდება მათ მიერ მოძიებული საცხოვრებელი სახლები", - აღნიშნა მინისტრმა, ნინო ნიჟარაძემ.   

მიმდინარე წელს 34.2%-ით გაიზარდა პროგრამის ბიუჯეტი, თანხა შეადგენს 5 016 840 ლარს.

სამინისტროს თანადაფინანსებით უსაფრთხო საცხოვრისს 120-მდე ეკომიგრანტი ოჯახი შეიძენს.

სამინისტრო პროგრამას 2016 წლიდან ახორციელებს, დღემდე საცხოვრისი 720-მა ეკომიგრანტმა ოჯახმა შეიძინა.

პროგრამაში ჩართვა შეუძლიათ ოჯახებს, რომლებიც რეგისტრირებულები არიან ეკომიგრანტთა მუდმივად განახლებად ერთიან ელექტრონულ ბაზაში და მინიჭებული აქვთ პრიორიტეტულობის ქულა.

პროგრამაში ჩართვისთვის ბენეფიციარმა უნდა მიმართოს შესაბამის თვითმმართველ ერთეულს, დაზიანებული საცხოვრებელი ფართის  მდებარეობის მიხედვით.

ინფორმაციას აჭარის ჯანდაცვის სამინისტრო ავრცელებს.

ავტორი: NS (სტატია დაფინანსებულია),

სოციალური ქსელები

მარნეულში 6 ადამიანი ტორტით მოიწამლა, მოკვლევა დაწყებულია

ხალხის ტოტალური კონტროლისთვის არ იქნება აუცილებელი მოქალაქის მიმართვა, რეჟიმი თავად მოძებნის კრიტიკოსებს

დეკანოიძე - საკვებ პროდუქტებზე ფასები დაავიწყდათ, სამაგიეროდ, მდინარაძის ფუნქციისთვის კიდევ უფრო მეტი ჩვენი ფული დაიხარჯება

თიბისი კაპიტალმა მსხვილი ბიზნესისთვის სასესხო პორტფელის სავალუტო სტრუქტურის შესახებ რეკომენდაციები გამოაქვეყნა - მკითხველის კომენტარებზე პასუხებთან ერთად