ჭიათურაში გაფიცული მაღაროელები პარლამენტის შენობასთან კარვებს შლიან და არ აპირებენ დაშლას იქამდე, სანამ მათი მოთხოვნები არ დაკმაყოფილდება.

ჭიათურის მაღაროში დასაქმებულთა გაფიცვა მე-14 დღეა გრძელდება.

• მაღაროელების მთავარი მოთხოვნებია:
• ხელფასის ზრდა ქვეყანაში არსებული ინფლაციის გათვალისწინებით;
• ძველ სამუშაო გრაფიკზე დაბრუნება, შრომის უსაფრთხოების დაცვა;
• აღჭურვილობისა და სპეცტანსაცმლის შეცვლა, სანგრების განიავება;
• სადაზღვევო კომპანიის შეცვლა;
• საპენსიო დანაზოგის გაუქმება, საშემოსავლოს შემცირება, კუთვნილი შვებულებით სარგებლობა;
• ქალაქის ეკოლოგიური საკითხის მოწესრიგება.

ადგილზე მყოფი მაღაროელები აცხადებენ, რომ მათი პროტესტი პარლამენტთან ხვალ, 20 ივნისს, 18:00 საათზე განახლდება, მანამდე კი 16:00 საათზე კომპანია "ჯორჯიან მანგანეზის" ოფისისკენ მსვლელობას მოაწყობენ.

შეგახსენებთ, რომ 6 ივნისს, ჭიათურაში 3 000-ზე მეტი მაღაროელი სამუშაო პირობების გაუმჯობესების მოთხოვნით გაიფიცა, ხოლო 13 ივნისს, მაღაროელების ნაწილმა შიმშილობა დაიწყო. 

15 ივნისს გაფიცულ მაღაროელებს სახალხო დამცველი ლევან იოსელიანი შეხვდა. როგორც ომბუდსმენმა განაცხადა, აქციის მონაწილეები მზად იყვნენ დათმობისთვის, თუმცა იმავეს ითხოვდნენ მეორე მხარისგან.

16 ივნისს, ერთ-ერთმა მაღაროელმა პროტესტის ნიშნად პირი ამოიკერა, ამასთან, როგორც გაფიცულები ამბობენ, მაღაროელმა პროტესტის ამ ფორმას უშედეგო მოლაპარაკებების შემდეგ მიმართა.

18 ივნისს კი, ერთ-ერთმა მაღაროელმა პროტესტის ნიშნად თვალები ამოიკერა.

ავტორი: ექსპრესნიუსი,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა