რუსეთმა ჩრდილოეთ საზღვარზე განლაგებული სამხედრო ძალების 80% უკრაინაში გადაისროლა. აღნიშნულ ინფორმაციას გამოცემა Foreign Policy ევროპის ქვეყნების თავდაცვის უწყებების სამ მაღალჩინოსანზე დაყრდნობით ავრცელებს.

სამხედრო მაღალჩინოსნების ცნობით, ბალტიისპირეთისა და ფინეთის საზღვრებზე, რუსული ჯგუფი, დაახლოებით, 30 ათასი სამხედრო მოსამსახურისგან შედგებოდა, ჯგუფის 80% კი, შემოდგომში უკრაინაში გაიგზავნა. ნატო-ს საზღვართან, სადაც რუსული ძალების ყველაზე დიდი კონცენტრაცია შეინიშნებოდა, მოსკოვმა მხოლოდ ძირითადი "შემადგენლობის ხერხემალი" დატოვა. 

ერთ-ერთი ოფიციალური პირის განცხადებით, სახმელეთო ძალების შემცირება შვიდი თვის განმავლობაში შეინიშნებოდა.

„რუსეთს ათწლეულების განმავლობაში ჰქონდა აქ სახმელეთო ჯარების განლაგება, რომელიც ახლა პრაქტიკულად უბრალოდ გაქრა“, - ამბობს სამხედრო მაღალჩინოსანი. 

ამავე დროს, ოფიციალური პირები აცხადებენ, რომ ჩრდილოეთის ფლოტის ზომა თითქმის არ შეცვლილა. გარდა ამისა, რეგიონი რუსეთის საჰაერო ძალების ძლიერ ჯგუფს კვლავაც ინარჩუნებს.

ავტორი: ექსპრესნიუსი,

სოციალური ქსელები

პუტინის რეჟიმმა სუმს დაარტყა გარდაიცვალა 4 ადამიანი მათ შორის ბავშვი, დაიჭრნენ ბავშვები

ზელენსკი: ნიდერლანდები დათანხმდა სპეციალური ტრიბუნალის შექმნას რუსეთის აგრესიის გამოსაძიებლად

ტეილორ სვიფტი და ტრევის კილსი დაქორწინდნენ: ახალი ერა ამერიკის „სამეფო წყვილისთვის“ დაიწყო

პუტინი: კონსტანტინოვკას განთავისუფლებას სტრატეგიული მნიშვნელობა აქვს დემოკრატიული რესპუბლიკისთვის