კანადა არ აღიარებს და არც არასდროს აღიარებს ამ ყალბი რეფერენდუმის შედეგებს ან რუსეთის მიერ უკრაინის ტერიტორიების უკანონო ანექსიის მცდელობას, - ამის შესახებ კანადის პრემიერ-მინისტრმა, ჯასტინ ტრუდომ განაცხადა.

როგორც პრემიერ-მინისტრის ოფიციალურ გვერდზე გავრცელებულ განცხადებაშია ნათქვამი, კანადა  ახალ სანქციებს დაუწესებს "პირებს და სუბიექტებს", რომლებიც მონაწილეობენ უკრაინაში "ყალბი რეფერენდუმების" ჩატარებაში.

„რუსეთის მიერ ჩატარებულ ე.წ. რეფერენდუმს, რომელიც უკრაინაში - დონეცკის, ლუგანსკის, ხერსონისა და ზაპორიჟიეს უკანონოდ ოკუპირებულ რეგიონებში ჩატარდა, აბსოლუტურად არ აქვს ლეგიტიმაცია. არსებობს უამრავი ცნობა ამომრჩეველთა ძალის გამოყენებით დაშინების შესახებ. ეს რეფერენდუმები საერთაშორისო სამართლის აშკარა დარღვევაა. კანადა არ აღიარებს და არც არასდროს აღიარებს ამ ყალბი რეფერენდუმის შედეგებს ან რუსეთის მიერ უკრაინის ტერიტორიების უკანონო ანექსიის მცდელობას. ჩვენ ვაპირებთ ახალი სანქციების დაწესებას იმ პირებისა და სუბიექტების წინააღმდეგ, რომლებიც თანამონაწილენი არიან სახელმწიფო სუვერენიტეტის პრინციპების შელახვის მცდელობაში და იზიარებენ პასუხისმგებლობას უკრაინაში მიმდინარე უაზრო სისხლისღვრაზე", - აცხადებს ტრუდო.

პრემიერ-მინისტრის თქმით, კანადა და მისი საერთაშორისო პარტნიორები, რუსეთის თავდასხმების წინააღმდეგ,  უკრაინის მხარდაჭერას გააგრძელებენ.

"უკრაინის ტერიტორია უკრაინის ტერიტორიად დარჩება", - ამბობს ტრუდო.

ავტორი: ექსპრესნიუსი,

სოციალური ქსელები

პუტინის რეჟიმმა სუმს დაარტყა გარდაიცვალა 4 ადამიანი მათ შორის ბავშვი, დაიჭრნენ ბავშვები

ზელენსკი: ნიდერლანდები დათანხმდა სპეციალური ტრიბუნალის შექმნას რუსეთის აგრესიის გამოსაძიებლად

ტეილორ სვიფტი და ტრევის კილსი დაქორწინდნენ: ახალი ერა ამერიკის „სამეფო წყვილისთვის“ დაიწყო

პუტინი: კონსტანტინოვკას განთავისუფლებას სტრატეგიული მნიშვნელობა აქვს დემოკრატიული რესპუბლიკისთვის