არცერთი რუსული პროპაგანდისტი და არც ერთი რუსული სახელმწიფო ტელევიზია არ უნდა მუშაობდეს ევროკავშირის ტერიტორიაზე, - ამის შესახებ უკრაინის პრეზიდენტმა, ვოლოდიმირ ზელენსკიმ პრაღაში „ფორუმი 2000“ კონფერენციაზე გამოსვლისას განაცხადა .

მისი თქმით, ევროპამ კიდევ ერთი სავალდებულო „ღირებული, ეთიკური ნაბიჯი“ უნდა გადადგას - 

„რუს პროპაგანდისტებს ჯერ კიდევ შეუძლიათ ევროპის ქვეყნებში მუშაობა. რუსული ტელევიზია კვლავ ხელმისაწვდომია ევროპის ქვეყნებში, რომელიც თითქმის ყველაზე დიდი დეზინფორმაციაა მსოფლიოში. და ვის წინააღმდეგ მუშაობენ, მითხარით? კონკრეტულად რის განადგურებას ან თუნდაც დისკრედიტაციას ცდილობენ. უპირველეს ყოვლისა? ევროპული დემოკრატია“, - აღნიშნა პრეზიდენტმა.

მისი თქმით, ევროპას სრული დაცვა სჭირდება რუსული პროპაგანდისგან.

„არც ერთი რუსი პროპაგანდისტი არ უნდა დარჩეს ევროკავშირის ტერიტორიაზე. არცერთი რუსული სახელმწიფო ტელევიზია არ უნდა მუშაობდეს ევროკავშირის ტერიტორიაზე“, - ხაზგასმით აღნიშნა ზელენსკიმ.

22 აგვისტოს ცნობილი გახდა, რომ ომის დაწყების შემდეგ, რუსულმა სახელმწიფო ტელეარხებმა  "პირველი არხი" და "რუსეთი 1" დაკარგეს აუდიტორიის მეოთხედი. 

ავტორი: ექსპრესნიუსი,

სოციალური ქსელები

ელენე ხოშტარიას მიმართვა ALDE-ს - რუსეთი ცდილობს დაამარცხოს ევროპა საქართველოში

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან