სამხრეთ აფრიკის ქალაქ ისთ-ლონდონში მდებარე ღამის კლუბში 21 ადამიანი გაურკვეველ გარემოებაში გარდაცვლილი იპოვეს.

არსებული ინფორმაციით, ახალგაზრდები სკოლის გამოცდების დასრულებას ზეიმობდნენ. ადგილობრივმა პოლიციის ცნობით, დაღუპულები 13-დან 17 წლამდე ასაკის იყვნენ, მაგრამ მსხვერპლთა დეტალური სია ჯერ არ არის მომზადებული. 

ამ დრომდე უცნობია რა გახდა ახალგაზრდების გარდაცვალების მიზეზი, სამართალდამცავებს ეჭვი სასმლით ინტოქსიკაციაზე აქვთ. 

ხელისუფლებამ საქმეზე გამოძიება უკვე დაიწყო. ცხედრები ექსპერტიზის ჩასატარებლად არის გადასვენებული.

სამხრეთ აფრიკის პრეზიდენტმა კირილ რამაფოსამ „უღრმესი მწუხარება“ გამოუცხადა დაღუპულთა ოჯახებს.

სამხრეთ აფრიკაში სასმელის კანონიერი მინიმალური ასაკი 18 წელია.

ავტორი: ექსპრესნიუსი,

სოციალური ქსელები

ჯ.დ. ვენსი: დიდი ხანია, რაც ბრიტანეთს საკუთარი ხელმძღვანელობა ღალატობს

თბილისის ანძა აშშ-ის დროშის ფერებში განათდა

კიევში, ამერიკის დამოუკიდებლობის 250-ე წლისთავის აღსანიშნავად, სამშობლოს მონუმენტი აშშ-ის დროშის ფერებში განათდა

აშშ-ში ექსტრემალურმა სიცხემ 25 ადამიანი იმსხვერპლა და 4 ივლისის აღნიშვნა ჩაშალა