„საფრანგეთი უკრაინის ზაპორიჟჟიას ატომურ ელექტროსადგურზე რუსეთის თავდასხმას მკაცრად გმობს“, - ამის შესახებ ქვეყნის საგარეო საქმეთა მინისტრმა, ჟან-ივ ლე დრიანმა ბრიუსელში განაცხადა.

„ჩვენ სრულად ვუჭერთ მხარს ატომური ენერგიის საერთაშორისო სააგენტოს ინიციატივას, რუსეთს ამ სახის თავდასხმის შეწყვეტა მოსთხოვოს“, - დასძინა ჟან-ივ ლე დრიანმა ჟურნალისტებთან საუბრის დროს.

საფრანგეთის საგარეო საქმეთა მინისტრმა, ასევე „ტვიტერ“-ზეც განაცხადა, რომ IAEA-ს ინიციატივებს უკრაინის სამოქალაქო ბირთვული ობიექტების მდგომარეობის მონიტორინგთან დაკავშირებით, იგი მხარს სრულად უჭერს.

„წუხელ დაბომბვები, რომლებიც ზაპორიჟჟიას ელექტროსადგურზე მოხვდა, საშიში და მიუღებელია“, - წერს იგი Twitter-ზე.

უკრაინის პრეზიდენტმა, ვოლოდიმირ ზელენსკიმ არნიშნულთან დაკავშირებით, განაცხადა, რომ რუსეთის მცდელობები მასიური ატომური ელექტროსადგურის ხელში ჩაგდების მიზნით არის „ტერორის უპრეცედენტო დონეზე“.

„რუსული ტანკები სადგურის მიმართულებით პირდაპირი ცეცხლით ისროდნენ“, - დასძინა ვოლოდიმირ ზელენსკიმ.

მან ასევე, პარალელები გაავლო 1986 წელს ჩერნობილის ატომურ ელექტროსადგურზე მომხდარ კატასტროფასთან, „მსოფლიოში ყველაზე უარეს ატომურ ავარიასთან“, მაგრამ არ არსებობს რაიმე ნიშანი იმისა, რომ ზაპორიჟზიაში მდებარე რომელიმე რეაქტორი, დაბომბვის შედეგად დაზარალდა.

ამის შესახებ CNN იუწყება.

ავტორი: ექსპრესნიუსი,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა