უმრავლესობის წევრი ირაკლი კობახიძე აცხადებს, რომ IRI-ის კვლევითი ორგანიზაციის კვლევა, სადაც მოსახლეობის 27% არ საუბრობს, თუ ვის დაუჭერს მხარს არჩევნებზე, პირდაპირ შეიძლება ჩაითვალოს უთავმოყვარეოდ.

მისივე თქმით, სამწუხაროა, რომ სწორედ ასეთი კვლევითი ორგანიზაციები აწვდიან მონაცემებს საერთაშორისო პარტნორებს.

„როდესაც, რომელიმე კვლევითი ორგანიზაცია აცხადებს, რომ 27%-ზე მეტისგან ვერ გაიგო, ვის უჭერს მხარს, ასეთი ორგანიზაცია შეიძლება ჩაითვალოს პირდაპირ უთავმოყვარეოდ. მე მარტივად კვლევებში ძალიან კარგად ვერკვევი და შესაბამისად ასეთი ორგანიზაცია პირდაპირ შეიძლება შეფასდეს, როგორც უთავმოყვარეო და სამწუხაროდ, ასეთი კვლევითი ორგანიზაციები აწვდიან მონაცემებს ჩვენს ძალიან მნიშველოვან საერთაშორისო პარტნიორებს“, - განაცხადა ირაკლი კობახიძემ.

ცნობისთვის, საერთაშორისო რესპუბლიკური ინსტიტუტის (IRI) კვლევის შედეგების მიხედვით, კითხვაზე, ამ კვირას რომ არჩევნები ტარდებოდეს, საზოგადოების 36% ხმას „ქართულ ოცნებას“, 15% „ნაციონალურ მოძრაობას“, 4% კი, „ევროპული საქართველოს", დაუჭერს მხარს.

ამასთანავე, ამომრჩეველთა 23% აცხადებს, რომ არ იცის, ვის დაუჭერს მხარს ან არ აქვს პასუხი.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ქარელის და მასრნერულის საბავშვო ბაღებში ბავშვებს საქონლის ხორცის ნაცვლად ცხენის ხორცს აჭმევდნენ

ქართველმა და ესპანელმა სამართალდამცველებმა ქალაქ ვალენსიაში ქართული ორგანიზებული დანაშაულებრივი ჯგუფის წევრები დააკავეს

არქიმანდრიტი დოროთე - შიო მესამეს თავისი დარღვეული სწავლება სისრულეში მოჰყავს

ნარმანია: წინასწარი შეფასებით, II სისტემური ავარიის მიზეზი იმერეთის ხაზზე ავარია იყო