რომან გოცირიძე - ბიძინა ივანიშვილისთვის პოლიტსაბჭოს ყველა წევრი პოტენციურად ვირუსმატარებელია

2020-07-15 11:23:36, 1511 ნახვა

პოლიტიკა

„ნაციონალური მოძრაობის“ თავმჯდომარის რომან გოცირიძის განცხადებით, „ქართული ოცნების“ ცენტრალურ ოფისში გამართულ საარჩევნო შტაბის სხდომაზე ბიძინა ივანიშვილი არ მივიდა იმიტომ, რომ კოვიდ19-ის ეშინია.

გოცირიძე აღნიშნავს, რომ ბიძინა ივანიშვილისთვის პოლიტსაბჭოს ყველა წევრი არის პოტენციურად ვირუსმატარებელი

„ბიძინა ივანიშვილი ამ შეხვედრებს რომ დაესწროს, საჭიროა სამი რამ: ან უნდა გამოიგონონ ვაქცინა, ან იყიდოს ვირუსგაუვალი სკაფანდრი და ისე მივიდეს და როგორც ჩანს, მას ჯერ ეს სკაფანდრი არ აქვს ან მესამე - დაძლიოს შიში. უახლოეს პერიოდში არ არსებობს თეორიული შანსი ამ სამიდან რომელიმეს შესრულების. ასე რომ, ჩვენ კვლავ ვიხილავთ ბუნკერიდან საუბრებს „ქართული ოცნების“ ოფისთან. ბიძინა ივანიშვილისთვის პოლიტსაბჭოს ყველა წევრი არის პოტენციურად ვირუსმატარებელი,"- განაცხადა გოცირიძემ.

ცნობისთვის, გუშინ "ქართული ოცნების" ოფისში პოლიტსაბჭოს სხდომა გაიმართა. ბიძინა ივანიშვილი არ მივიდა და თანაგუნდელებს სკაიპის საშუალებით ერსაუბრა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან