ძალიან მარტივად გაიყიდნენ, როგორც კი უბნებთან 25-მეტრიანი რადიუსის დაწესებაზე მემორანდუმი შევთავაზეთ, უარი თქვეს, - ამის შესახებ „ქართული ოცნების“ აღმასრულებელმა მდივანმა  ირაკლი კობახიძემ საარჩევნო უბნებთან 25-მეტრიანი რადიუსის დაწესებასთან და ამასთან დაკავშირებით ოპოზიციისთვის მემორანდუმის შეთავაზებასთან დაკავშირებით განაცხადა.

მისი თქმით, ოპოზიცია ხშირად აყენებს ისეთ მოთხოვნას, რომელსაც თვითონვე ეწინააღმდეგება.

„ჟარგონულად რომ ვთქვათ, ძალიან მარტივად გაიყიდნენ. მათი მოთხოვნა იყო თითქოს 25 მეტრიანი რადიუსის დაწესება და ამ რადიუსის შიგნით ადამიანების დგომის სრული აკრძალვა, თითქოს ისინი ითხოვდნენ ამას, მაგრამ როგორც კი შევთავაზეთ ამასთან დაკავშირებით მემორანდუმის გაფორმება, მაშინვე უარი თქვეს. ხშირად ისინი აყენებენ ისეთ მოთხოვნას, რომელსაც თვითონაც ეწინააღმდეგებიან. ძალიან მარტივი ტრიუკით დღეს მათი ჩანაფიქრი გამოვავლინეთ.

რაც შეეხება 500 მეტრიანს, საერთოდ კომიკურია. მაგალითად პარლამენტის გვერდით, პირველი სკოლის შენობაში არის საარჩევნო უბანი. რომ დაწესდეს 500 მეტრიანი კი არა 50 მეტრიანი რადიუსი ადამიანებს გაჩერებაზე დგომაც კი აეკრძალებათ. ეს არის აბსოლუტურად ღიმილის მომგვრელი და კომიკური“, - განაცხადა ირაკლი კობახიძემ.

ავტორი: ექსპრესნიუსი,

სოციალური ქსელები

Euromoney-მ საქართველოს ბანკი CEE კატეგორიაში საუკეთესო ბანკად დაასახელა კორპორატიული სოციალური პასუხისმგებლობის მიმართულებით

პუტინმა ოკუპირებული აფხაზეთის განვითარების ხელშეწყობის შეთანხმება დაამტკიცა

კახა კალაძე რუსთაველის გამზირის რეაბილიტაციაზე: ზოგიერთი პოლიტიკური ჯგუფი ცდილობს, ადამიანების უსაფრთხოებაც კი სპეკულაციად აქციოს

თიბისიმ Global Finance-ისგან კიდევ ერთი საერთაშორისო ჯილდო მიიღო