ზურაბიშვილის განცხადება იყო სამარცხვინო , - ამის შესახებ ტელეკომპანია „ფორმულას“ ეთერში „ევროპული საქართველოს“ წევრმა გიგა ბოკერიამ განაცხადა.

მან აღნიშნა, რომ პრეზიდენტი ქვეყნის შიდა ამბებში ლანძღვას არ ერიდება და საჯარო მუქარაზე კომენტარს არ აკეთებს.

„მინდა გამოვყო პრეზიდენტ ზურაბიშვილის სამარცხვინო განცხადება, სადაც მან თქვა სრულიად უაზრობა - მე ვერ ვრეაგირებ ვერაფერზე,  მე ამ ქვეყნის პრეზიდენტი ვარო. გამოძიება არ დამთავრებულა და კადიროვის განცხადებაზე ვერ ვრეაგირებო. რა შუაშია გამოძიება? ამ ტიპის განცხადება პირდაპირი მუქარაა შენი ქვეყნის მოქალაქეზე, ამ შემთხვევაში ჟურნალისტზე. არ აქვს მნიშვნელობა რა თქვა მან. მტკიცებულებები არსებობს, რომ კადიროვი საზარელი მკვლელობების ინსტრუმენტია. რატომ შეიძლება ამაზე კომენტარი მოგერიდოს? პოლიტიკაზე მაღლა მდგომი პრეზიდენტი ვარო. შიდა ამბებში ლანძღვას არ ერიდება და ამ შემთხვევაში კომენტარს მოერიდა? ეს არის უმძიმესი სურათი“, - განაცხადა გიგა ბოკერიამ.

ავტორი: ექსპრესნიუსი,

სოციალური ქსელები

ბათუმში ავარიის შედეგად 2 ადამიანი დაშავდა

ენმ-ში ყრილობა დასრულდა, შეიქმნა დროებითი მმართველობის საბჭოს ორგანო, ფავლენიშვილის ხელმძღვანელობით

მიქანაძე : მშობელი თუ არ ჩააცმევს ბავშვს ფორმას, იქნება კონკრეტული მექანიზმები, რაც შეიძლება ამოქმედდეს

მოიპოვე საქართველოს ბანკის სტიპენდია CHEVENING-ის პროგრამაში - განაცხადების მიღება დაიწყო