2020-05-15 15:19:47, 1515 ნახვა

---

ბოკერია - თუ ივანიშვილი შეთანხმებას არ შეასრულებს, ყველაფერი, რაც მოხდება, მისი პასუხისმგებლობა იქნება, წერტილი

თუ ივანიშვილი შეთანხმებას არ შეასრულებს,  ყველაფერი, რაც მოხდება, მისი პასუხისმგებლობა იქნება, წერტილი, - ამის შესახებ „ევროპული საქართველოს“ წევრმა გიგა ბოკერიამ განაცხადა.

მისი თქმით, ამ საკითხში ოპოზიციური პარტიები ერთიანები არიან.

„ამ მომენტისთვის შეთანხმება არ არის შესრულებული, სანამ  პოლიტპატიმრები არ არიან თავისუფლები. თუ შეთანხმება შესრულებული არ არის, არავინ არ აპირებს „ევროპულ საქართველოში“ და მე ვთვლი, რომ საზოგადოების უდიდეს ნაწილსაც ეხება ეს, რომ ასეთ თამაშის წესებს დასთანხმდეს ივანიშვილისგან, რომ „მე დაგპირდებით და გადაგაგდებთ“.

საპარლამენტო ოპოზიციის მხრიდან ბოიკოტი გაგრძელდება. ყველანი ერთიანი ვართ, რომ თუ ივანიშვილი შეთანხმებას არ შეასრულებს,  ყველაფერი, რაც მოხდება, მისი პასუხისმგებლობა იქნება, წერტილი“, - განაცხადა გიგა ბოკერიამ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი