ტელეკომპანია „რუსთავი 2“-ის ყოფილ ფინანსურ დირექტორს, კახა დამენიას აღკვეთის ღონისძიების სახით 50 000-ლარიანი გირაო შეეფარდა.

ბრალდებული აღკვეთის ღონისძიების გამოყენებას არ ეთანხმება და მთავარ არგუმენტად მოჰყავს ის, რომ ბრალის წარდგენის დროს საქართველოში არ იმყოფებოდა, შესაბამისად, მიმალვის სურვილის შემთხვევაში, ამის საშუალება ჰქონდა.

„ბუნებრივია, ბრალს აბსოლუტურად არ ვეთანხმები, თითიდან გამოწოვილია და ამას ყველა ნახავს, როდესაც საქმის არსებითი განხილვა დაიწყება. არ ვეთანხმები არც აღკვეთის ღონისძიების გამოყენებას - უამრავი არგუმენტი მოვიყვანეთ და მთავარი იყო ის, რომ როდესაც ბრალი წამიყენეს, არ ვიყავი საქართველოში, ვმკურნალობდი, შევწყვიტე მკურნალობა და ჩამოვედი. პროკურატურის არგუმენტია, რომ მიმალვის საშიშროებაა. თუ მიმალვის საშიშროება იყო, არ ჩამოვიდოდი, ელემენტარულად“ - აცხადებს კახა დამენია.

გარდა ამისა, მოსამართლის გადაწყვეტილებით, დამენიას სახელმწიფო საზღვრის დატოვება საგამოძიებო ორგანოს ინფორმირებისა და თანხმობის გარეშე აეკრძალა.

„იმის გათვალისწინებით რომ არსებობდა როგორც მიმალვის, ასევე მოწმეებზე ზემოქმედებისა და ახალი დანაშაულის საფრთხე, ბრალდებულის მხრიდან სასამართლომ მას აღკვეთის ღონისძიების სახით შეუფარდა გირაო 50 000 ლარის ოდენობით და, ამავე დროს, ბრალდებულს აეკრძალა საქართველოს საზღვრის დატოვება საგამოძიებო ორგანოს ინფორმირებისა და ნებართვის გარეშე. მიგვაჩნია რომ სასამართლოს აღნიშნული გადაწყვეტილება კანონიერი და დასაბუთებულია“, - განაცხადა საქმის პროკურორმა.

შეგახსენებთ, რომ კახა დამენიას ბრალი ტელეკომპანია რუსთავი 2-ის ქონებრივი უფლების დიდი ოდენობთ მართლსაწინააღმდეგო გაფლანგვაში ედება.

ავტორი: ექსპრესნიუსი,

სოციალური ქსელები

უკრაინამ ბოლო ერთი თვის განმავლობაში მესამედ დაბომბა ნავთობის საწყობი, რომელიც კრასნოდარის ოლქსა და ადიღეს საწვავს ამარაგებდა

ტრამპმა გამოაცხადა, რომ აშშ მზადაა ვენესუელაში მიწისძვრის გამო დახმარება გაუწიოს

ვენესუელაში მიწისძვრის ორი სერია მოხდა - 7.2 და 7.5 მაგნიტუდის სიმძლავრის, არიან დაღუპულები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია