2022-05-06 11:12:04, 1391 ნახვა
ომი უკრაინაში
უკრაინის გენშტაბი - ხარკოვის ოლქში ოკუპანტებმა შენობების 90% გაანადგურეს
ხარკოვის ოლქში რუსმა სამხედროებმა კერძო სახლების, სკოლების, საბავშვო ბაღების უმეტესობა, გაანადგურეს. ამის შესახებ ეროვნული ტელემარათონის ეთერში, ხარკოვის რეგიონალური სამხედრო ადმინისტრაციის ხელმძღვანელმა ოლეგ სინეგუბოვმა განაცხადა.
ხელმძღვანელმა აღნიშნა, რომ უკრაინის შეიარაღებული ძალები ხარკოვის რეგიონში პოზიციებს იკავებენ და ზოგიერთ რაიონში წარმატებით მიიწევენ წინ.
"სახლების უმეტესობა - მათი 90% - დანგრეულია. ჩვენ ახლა ელექტროენერგიის და გაზის მიწოდების აღდგენაზე ვმუშაობთ, პერიოდულად ხდება დაბომბვა და ჩვენ ვიღებთ ყველა ზომას ადგილობრივი მოსახლეობის ევაკუაციისთვის. " - განაცხადა სინეგუბოვმა.
სინეგუბოვის თქმით, რეგიონის გათავისუფლებულ ტერიტორიებზე ბევრი სამუშაოა ჩასატარებელი.
ავტორი: ექსპრესნიუსი,
epn.ge (@expressnews.ge)
