ბრიტანეთის ყოფილი საგარეო საქმეთა მინისტრი და ამჟამად პრემიერ-მინისტრობის კანდიდატი ბორის ჯონსონი რუსეთის პრეზიდენტ ვლადიმერ პუტინს მისი განცხადების გამო აკრიტიკებს. 

კერძოდ, ჯონსონი კრემლის ლიდერის იმ კომენტარს გამოეხმაურა, რომლის თანახმადაც პუტინმა განაცხადა, რომ ლიბერალიზმმა საკუთარი თავი ამოწურა და მოძველდა. 

ჯონსონი მიიჩნევს, რომ სწორედ ლიბერალიზმი ქვეყნის ეკონომიკურ განვითარებაზეც ახდენს გავლენას. აღშანიშნავია, რომ საკუთარ განცხადებაში, ბრიტანელმა პოლიტიკოსმა რუსსტატის (რუსეთის სტატისტიკის ეროვნული სამსახურის) მიერ გამოქვეყნებული მონაცემები არგუმენტების გასამყარებლად მოიშველია. 

"პუტინის განცხადება ლიბერალიზმთან დაკავშირებით სრული სისულელეა. თავისუფალი და ღია საზოგადოება იქნება იდეალური ადგილი ბიზნესის კეთებისთვის. ასეთი გარემო იქნება უსაფრთხო ინვესტიციებისთვის. ეს იქნება იდეალური ადგილი იმისათვის, რომ შექმნა ოჯახი დაა იცხოვრო. ბრიტანეთი ამ ყველაფრის ნათელი მაგალითია. ჩვენ სოციალური თავისუფლების ორი გარანტი და დამცველი გვაქვს: დემოკრატია და კანონის უზენაესობა. თუ პოლიტიკოსის თანამდებობიდან გადაყენება დემოკრატიული გზით შეუძლებელია, მაშინ ქვეყანაში იარსებებს კორუფცია ხალხი დაიჩაგვრება და იქნება სიღარიბე. პირდაპირ რომ გითხრა ვლადიმერ, ქვვეყანაში არსებობენ ქვეყნები, სადაც კაპიტალი ოლიგარქების ხელშია კონცენტრირებული, სადაც ჟურნალისტებს კლავენ, სადაც "ლიბბერალურ ფასეულობებს" დასცინიან, სადაც როსსტატის [საქსტატის ანალოგი რუსეთში] თანახმად, მოსახლეობის მესამედს წელიწადში ორ წყვილზე მეტი ფეხსაცმლის ყიდვის საშუალება არ აქვს, მოქალაქეების 12% ქუჩაში ისაქმებს, ხოლო რეალური შემოსავალი უკვე 5 წლის განმავლობაში მცირდება", - განაცხადა ბორის ჯონსონმა. 

ცობისთვის, რუსეთის პრეზიდენტმა ვლადიმერ პუტინმა განაცხადა, რომ ლიბერალიზმი და ის იდეოლოგია, რომელზეც დასავლური ქვეყნების დემოკრატია დგას, უკვე მოძველდა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

უკრაინამ ბოლო ერთი თვის განმავლობაში მესამედ დაბომბა ნავთობის საწყობი, რომელიც კრასნოდარის ოლქსა და ადიღეს საწვავს ამარაგებდა

ტრამპმა გამოაცხადა, რომ აშშ მზადაა ვენესუელაში მიწისძვრის გამო დახმარება გაუწიოს

ვენესუელაში მიწისძვრის ორი სერია მოხდა - 7.2 და 7.5 მაგნიტუდის სიმძლავრის, არიან დაღუპულები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია