2019-06-30 10:57:56, 2047 ნახვა
მსოფლიო
სააკაშვილის პარტია უკრაინის ცესკომ არჩევნებში მონაწილეობისთვის დაარეგისტრირა
უკრაინის ცენტრალურმა საარჩევნო კომისიამ მიხეილ სააკაშვილის პარტია „ახალ ძალთა მოძრაობა“ უმაღლესი რადას რიგგარეშე არჩევნებში მონაწილეობისთვის დაარეგისტრირა.
აღნიშნული გადაწყვეტილება ქვეყნის ცენტრალური საარჩევნო კომისიის 29 ივნისის სხდომაზე მიიღეს.
24 ივნისს უკრაინის ცენტრალურმა საარჩევნო კომისიამ სააკაშვილის პარტიას რეგისტრაციაზე უარი უთხრა. მოგვიანებით, უკრაინის სააპელაციო სასამართლომ ცენტრალური საარჩევნო კომისიის გადაწყვეტილება შეცვალა, უზენაესმა სასამართლომ კი, სააპელაციო სასამართლოს გადაწყვეტილება ძალაში დატოვა.
უკრაინაში ვადამდელი საპარლამენტო არჩევნები 21 ივლისს ჩატარდება.
ავტორი: ექსპრესნიუსი,
epn.ge (@expressnews.ge)
