მახუნცეთში სამედიცინო მომსახურებით 211-მა პაციენტმა ისარგებლა

2015-04-24 17:50:56, 538 ნახვა

საზოგადოება

„ბათუმის N1 პოლიკლინიკის“ ექიმებმა მახუნცეთის თემში უფასო სამედიცინო აქცია ჩაატარეს.

აჭარის ჯანდაცვის სამინისტროს ინფორმაციით, აქციის ფარგლებში მომსახურება გაეწია 211 პაციენტს, აქედან ექოსკოპიური კვლევა ჩაუტარდა 61-ს, ელექტრო კარდიოგრაფია 24-ს, ხოლო გლუკომეტრია 8 პაციენტს.

მომსახურება ითვალისწინებდა ენდოკრინოლოგის, უროლოგის, ლარინგოლოგის, ოფთალმოლოგის, ალერგოლოგის, ნევროპათოლოგის, კარდიოლოგის, და ექოსკოპისტის კონსულტაციას და სამედიცინო კვლევებს.

აქცია, „ქ. ბათუმის N1 პოლიკლინიკის“ ინიციატივით და აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს და ქედის მუნიციპალიტეტის მხარდაჭერით გაიმართა.

ბოლო ორი თვის განმავლობაში უფასო სამედიცინო აქცია აჭარის 5 მუნიციპალიტეტის 6 თემში ჩატარდა. მომსახურებით 1297-მა პაციენტმა ისარგებლა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან