ტელეკომპანია „ობიექტივის“ ჟურნალისტებმა საქველმოქმედო ფონდი „ობიექტივი“ დააფუძნეს, - ამის შესახებ „პატრიოტთა ალიანსის“ ლიდერმა ირმა ინაშვილმა პარტიის წევრებთან ერთად გამართულ ბრიფინგზე განაცხადა.

როგორც ინაშვილმა აღნიშნა, ფონდი გაჭირვებული ადამიანების დახმარებას მოემსახურება და ყველა მსურველს საშუალება ექნება ფონდს ტანსაცმელი, საკვები ან ფულადი თანხა შესწიროს.

მისივე თქმით, „საქართველოს პატრიოტები“ საქველმოქმედო აქციას მხარ უჭერენ, რაც გამოიხატება იმაში, რომ „პატრიოტთა ალიანსის“ დეპუტატები, ყოველთვიურად, საკუთარი ხელფასიდან ფონდში შესატან თანხას გაიღებს.

პირადად ირმა ინაშვილი ყოველთვიურად 1500 ლარის ოდენობის თანხის გაღებას გეგმავს.

„საქართველოს პატრიოტები“ პარლამენტის წევრებს მიმართავენ, შეუერთდნენ აქციას და სადეპუტაციო ხელფასიდან შემოწირულობა გაიღონ.

„ვიღაც ამ ფონდს შეწირავს ტანსაცმელს, საკვებს, გაიღებს 5-10 ლარს, ყოველი თეთრი მნიშვნელოვანია, ვიღაც გაიღებს ოჯახისთვის საჭირო ნივთს. ეს არის აქცია გაჭირვებული ადამიანების დასახმარებლად“, - განაცხადა ირმა ინაშვილმა და დასძინა, რომ „ობიექტივის“ ჟურნალისტები საქველმოქმედო მოძრაობის განვითარებას წლების განმავლობაში ახორციელებდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს